ఎర్రబెల్లి దయాకర్ రావు (Yerrabelli Dayakararao)

ఎర్రబెల్లి దయాకర్ రావు జననం ఆగస్టు 15, 1956 స్వస్థలం పర్వతగిరి పదవులు 5సార్లు ఎమ్మెల్యే, పార్టీ తెలుగుదేశం పార్టీ ఎర్రబెల్లి దయాకర్ రావు వరంగల్ గ్రామీణ జిల్లాకు చెందిన ప్రముఖ రాజకీయ నాయకుడు. పర్వతగిరికి చెందిన దయాకర్ రావు ఇంటర్మీడీయట్ వరకు అభ్యసించినారు. 1983లో తొలిసారి శాసనసభకు పోటీచేసి ఓడిపోయిననూ 1994 నుంచి వరసగా 6 సార్లు శాసనసభకు ఎన్నికయ్యారు. రాజకీయ ప్రస్థానం: దయాకర్ రావు 1982లోనే ఎన్టీరామారావు స్థాపించిన తెలుగుదేశం పార్టీలో చేరారు. 1983లో తొలిసారి వర్థన్నపేట నుంచి పోటీచేసి ఓడిపోయారు. 1985లో తెలుగుదేశం పార్టీ రాష్ట్ర కార్యవర్గంలో స్థానం లభించింది. 1987లో వరంగల్ డిసిసిబి అధ్యక్షునిగా పదవి అధిష్టించారు. 1994లో వర్థన్నపేట నుంచి విజయం సాధించి తొలిసారి శాసనసభకు ఎన్నికయ్యారు. 1999, 2004లలో కూడా వర్థన్నపేట నుంచి గెలుపొంది 3 వరస విజయాలతో హాట్రిక్ సాధించారు. నియోజకవర్గాల పునర్విభజనలో పాలకుర్తి ఎస్సీ రిజర్వ్ కావడంతో 2009లో పాలకుర్తి నుంచి ఎన్నికై వరసగా 4వసారి శాసనసభ్యులైనారు. 2014లో దుగ్యాల శ్రీనివాస్ రావుపై గెలుపొంది 5వసారి శాసనసభలో ప్రవేశించారు. 2014, జూన్ 10న ఎర్రబెల్లి తెలుగుదేశం పార్టీ తెలంగాణ శాసనసభ పక్షనేతగా నియమితులైనారు. 2016లో తెలుగుదేశం పార్టీని వీడి తెలంగాణ రాష్ట్ర సమితి పార్టీలో చేరారు.2018లో తెరాస తరఫున పాలకుర్తి నుంచి విజయం సాధించి ఆరోసారి ఎమ్మెల్యే అయ్యారు. ప్రస్తుతం కేసిఆర్ మంత్రివర్గంలో పంచాయతీరాజ్ శాఖ మంత్రిగా కొనసాగుతున్నారు. ఇవి కూడ చూడండి: వర్థన్నపేట మండలం,   విభాగాలు: వరంగల్ గ్రామీణ జిల్లా ప్రముఖులు, తెలంగాణరాజకీయ నాయకులు, 9వ శాసనసభ సభ్యులు, 10వ శాసనసభ సభ్యులు, 11వ శాసనసభ సభ్యులు, 12వ శాసనసభ సభ్యులు, 13వ శాసనసభ సభ్యులు, 14వ శాసనసభ సభ్యులు,   = = = = = ఎర్రబెల్లి దయాకర్ రావు అధికార వెబ్‌సైటు,