కె.చంద్రశేఖర్ రావు (K.Chandrashekar Rao)

కె.చంద్రశేఖర్ రావు జననం 17 ఫిబ్రవరి, 1954 స్వస్థలం చింతమడక (మెదక్ జిల్లా) పదవులు తెలంగాణ ముఖ్యమంత్రి, కేంద్రమంత్రి, నియోజకవర్గం సిద్ధిపేట అ/ని (1985-2004), కరీంనగర్ లో/ని (2004-09), మహబూబ్‌నగర్ లో/ని (2009-14) మెదక్ లో/ని (2014- ) తెలంగాణ రాష్ట్ర సమితి పార్టీ వ్యవస్థాపకుడు అయిన కల్వకుంట్ల చంద్రశేఖరరావు 17 ఫిబ్రవరి, 1954న మెదక్ జిల్లా సిద్ధిపేట మండలం చింతమడక గ్రామంలో జన్మించారు. ప్రారంభంలో తెలుగుదేశం పార్టీలో ఉంటూ కొంతకాలం డిప్యూటి స్పీకరుగా పదవి నిర్వహించారు. ప్రత్యేక తెలంగాణ రాష్ట్రం నేపథ్యంతో తెలుగుదేశం పార్టీ నుంచి బయటకు వచ్చి 2001లో తెలంగాణ రాష్ట్ర సమితి పార్టీని ఏర్పాటుచేశారు. కేంద్రమంత్రిగానూ పనిచేశారు. 2014, జూన్ 2న తెలంగాణ తొలి ముఖ్యమంత్రిగా పదవీబాధ్యతలు స్వీకరించారు. రాజకీయ నేపథ్యం: 1983లో శాసనసభ స్థానానికి పోటీచేసి పరాజయం పొందారు. 1985, 1989లలో తెలుగుదేశం పార్టీ తరఫున సిద్ధిపేట అసెంబ్లీ నియోజకవర్గం నుంచి విజయం సాధించారు. రాష్ట్ర శాసనసభ డిప్యూటి స్పీకరుగా కొంతకాలం పనిచేశారు. ఏప్రిల్ 27, 2001న తెలంగాణ రాష్ట్ర సమితి పార్టీని ఏర్పాటుచేశారు. 1994, 1999, 2001 ఉప ఎన్నికలలో సిద్దిపేట నుంచే తెరాస తరఫున విజయం సాధించారు. 2004, 2006 ఉప ఎన్నిక, 2008 ఉప ఎన్నికలో కరీంనగర్ లోకసభ స్థానం నుంచి, 2009లో మహబూబ్‌నగర్ లోకసభ నియోజకవర్గం నుంచి గెలుపొందారు. కేంద్రప్రభుత్వంలో కొంతకాలం మంత్రిపదవిని నిర్వహించారు. 2014లో మెదక్ లోకసభ నియోజకవర్గంలోనూ, గజ్వేల్ అసెంబ్లీ నియోజకవర్గం లోనూ విజయం సాధించారు. తెలంగాణలో తెరాసకు మెజారిటీ సీట్లు రావడంతో తెలంగాణ తొలి ముఖ్యమంత్రిగా పదవి పొందారు. కుటుంబం: చంద్రశేఖరరావు స్వాతంత్ర్యసమరయోధుడైన జె.కేశ్వరావు కూతురు శోభను వివాహం చేసుకున్నారు. వీరికి ఒక కుమారుడు మరియు ఒక కూతురు. కుమారుడు కల్వకుంట్ల తారకరామారావు సిరిసిల్ల అసెంబ్లీ నియోజకవర్గం నుంచి ఎన్నికయ్యారు. కూతురు కవిత తెలంగాణ రాష్ట్ర సమితిలో చురుకైన పాత్ర వహిస్తు 2014లో నిజామాబాదు నుంచి లోకసభకు ఎన్నికయ్యారు. మేనల్లుడు హరీష్ రావు ప్రస్తుతం సిద్ధిపేట నుంచి ఎమ్మెల్యేగా ఉన్నారు. ఇవి కూడా చూడండి: తెలంగాణ రాష్ట్ర సమితి పార్టీ, కల్వకుంట్ల కవిత, కల్వకుంట్ల తారక రామారావు, హరీష్ రావు,  విభాగాలు: మెదక్ జిల్లా రాజకీయ నాయకులు, సిద్ధిపేట మండలము, సిద్దిపేట అసెంబ్లీ నియోజకవర్గం, కరీంనగర్ లోకసభ నియోజకవర్గం, మహబూబ్‌నగర్ లోకసభ నియోజకవర్గం, కేంద్రమంత్రులు, 1954,  = = = = =