రాంభూపాల్ చౌదరి (Rambhupal Chowdari)

రాంభూపాల్ చౌదరి జననం ఆగస్టు 1, 1942 స్వస్థలం ఉయ్యాలవాడ పదవులు 3 సార్లు ఎమ్మెల్యే, రాష్ట్ర మంత్రి, మరణం ఏప్రిల్ 8, 2015 ఉమ్మడి ఆంధ్రప్రదేశ్ రాష్ట్ర మంత్రిగా పనిచేసిన రాంభూపాల్ చౌదరి కర్నూలు జిల్లా ఓర్వకల్లు మండలం ఉయ్యాలవాడలో ఆగస్టు 1, 1942న జన్మించారు. బీఈ వరకు అభ్యసించి తర్వాత రాజకీయాలలో ప్రవేశించి కౌన్సిలర్‌గా ప్రస్థానం ఆరంభించారు. 3 సార్లు ఎమ్మెల్యేగా, రాష్ట్ర మంత్రిగా పనిచేశారు. ఏప్రిల్ 8, 2015న రాంభూపాల్ చౌదరి మరణించారు. రాజకీయ ప్రస్థానం: 1981లో కౌన్సిలర్‌గా రాజకీయ ప్రస్థానం ఆరంభించిన రాంభూపాల్ చౌదరి 1982లో తెలుగుదేశం పార్టీ ఆవిర్భావంతోనే ఆ పార్టీ ప్రవేశించారు. 1983లో కర్నూలు అసెంబ్లీ నియోజకవర్గం నుంచి విజయం సాధించి తొలిసారి శాసనసభలో ప్రవేశించారు. 1984 రాజకీయ సంక్షీభం సమయంలో నాదెండ్ల భాస్కరరావు వర్గంలో చేరి ఆ తర్వాత కాంగ్రెస్ పార్టీలో ప్రవేశించారు. 1985లో కాంగ్రెస్ తరఫున పోటీచేసి రెండో పర్యాయం ఎమ్మెల్యే అయ్యారు. 1989లో కూడా విజయం సాధించి 3 వరస విజయాలతో హాట్రిక్ సాధించారు. ఇదే సమయంలో నేదురుమల్లి జనార్థన్ రెడ్డి, కోట్ల విజయభాస్కర్ రెడ్డి మంత్రివర్గాలలో స్థానం పొందారు. 1994 నుంచి క్రియాశీల రాజకీయాలకు దూరంగా ఉండి 2014 ఎన్నికలకు ముందు మళ్ళీ తెలుగుదేశం పార్టీలో చేరారు. విభాగాలు: కర్నూలు జిల్లా ప్రముఖులు, ఓర్వకల్లు మండలం, కర్నూలు అసెంబ్లీ నియోజకవర్గం, ఆంధ్రప్రదేశ్ రాష్ట్ర మంత్రులు,  = = = = =