ఎడ్ల గురవారెడ్డి (Edla Guruva Reddy)

ఎడ్ల గురవారెడ్డి జననం ఆగస్టు 16, 1914 స్వస్థలం రామంచ (మెదక్ జిల్లా) పదవులు ఎమ్మెల్యే, ఎమ్మెల్సీ మెదక్ జిల్లాకు చెందిన విమోచనోద్యమకారుడు, రాజకీయ నాయకుడైన ఎడ్ల గురువారెడ్డి ఆగస్టు 16, 1914న మెదక్ జిల్లా రామంచ గ్రామంలో జన్మించారు. సిద్ధిపేట మరియు హైదరాబాదులలో హైస్కూలు వరకు విద్యనభ్యసించి, సిటీ కాలేజీలో ఇంటర్మీడియట్, ఉస్మానియా విశ్వవిద్యాలయం నుంచి బీఏ, ఏంఏ పట్టాపొందారు. గురువారెడ్డి ఉస్మానియా విశ్వవిద్యాలయంలో ఉన్నప్పుడే వందేమాతరం ఉద్యమం జరిగింది. ఇతను కూడా ఉద్యమంలో చురుగ్గా పనిచేశారు. యూనివర్శిటీ నుంచి బహిషృతుడై నాగ్పూర్ లో చేరారు. నిషేధం తర్వాత మళ్ళీ హైదరాబాదు వచ్చి నిజాం నిరంకుశ పాలనకు, దాష్టీక రజాకార్లకు వ్యతిరేకంగా ఉద్యమించారు. వరంగల్ జిల్లాలో ప్రముఖమైన భైరాన్ పల్లి సంఘటనలో కూడా ఇతను పాల్గొన్నారు. మెదక్ జిల్లా విఠలాపూర్ లో గురువారెడ్డి ప్రోత్సాహంతో 5వేల మంది జెండావందనం చేశారు. నిరంకుశ నిజాం ప్రభుత్వానికి వ్యతిరేకంగా జరిగిన విమోచనోద్యమంలో చురుగ్గా పాల్గొని, హైదరాబాదు భారతయూనియన్ లో కలిసిన పిదప కమ్యూనిస్టు పార్టీలో కొనసాగారు. 1952లో సిద్ధిపేట అసెంబ్లీ నియోజకవర్గం నుంచి హైదరాబాదు రాష్ట్ర శాసనసభకు ఎన్నికైనారు.1958 లో విధానమండలికి ఎన్నికై 6 సం.లు ఎమ్మెల్సీగా ఉన్నారు. విభాగాలు: మెదక్ జిల్లా సమరయోధులు, మెదక్ జిల్లా రాజకీయ నాయకులు, హైదరాబాదు రాష్ట్ర శాసససభ్యులు, సిద్ధిపేట అసెంబ్లీ నియోజకవర్గం  = = = = =