గూడెం మహిపాల్ రెడ్డి (Gudem Mahipal Reddy)

గూడెం మహిపాల్ రెడ్డి జననం సెప్టెంబరు 19, 1963 రంగం రాజకీయాలు పదవులు ఎంపీపీ, ఎమ్మెల్యే, మెదక్ జిల్లాకు చెందిన రాజకీయనాయకుడైన గూడెం మహిపాల్ రెడ్డి సెప్టెంబరు 19, 1963న జన్మించారు. పటాన్‌చెరుకు చెందిన మహిపాల్ రెడ్డి ఇంటర్మీడియట్ వరకు విద్య అభ్యసించి 1996లో రాజకీయ ప్రవేశం చేశారు. 2013వరకు కాంగ్రెస్ పార్టీలో ఉంటూ పలు పార్టీ పదవుల్తో పాటు ఎంపీటీసి, ఎంపీపీ పదవులు చేపట్టారు. 2013లో వైకాపాలో, 2014లో తెరాసలో చేరి 2014 శాసనసభ ఎన్నికలలో తెరాస తరఫున పటాన్‌చెరు అసెంబ్లీ నియోజకవర్గం నుంచి విజయం సాధించారు. రాజకీయ ప్రస్థానం: 1996లో రాజకీయ ప్రవేశం చేసిన గూడెం మహిపాల్ రెడ్డి తొలిసారిగా కాంగ్రెస్ పార్టీ తరఫున ఎంపీటీసి సభ్యుడిగా విజయం సాధించారు. 1996-99 కాలంలో పటాన్‌చెరు పట్టణ కాంగ్రెస్ అధ్యక్షుడిగా కూడా వ్యవహరించారు. 2001లో ఎంపీపీగా ఎన్నికై పిసిసి జిల్లా కార్యదర్శిగా కూడా పనిచేశారు. 2009 శాసనసభ ఎన్నికలలో కాంగ్రెస్ పార్టీ టికెట్ లభించనందున కాంగ్రెస్ రెబెల్‌గా బీఎస్పీ తరఫున పోటీచేసి 30వేలకు పైగా ఓట్లు సాధించారు. 2013లో వైఎస్సార్ కాంగ్రెస్ పార్టీలో చేరి కొంతకాలానికి 2014లో తెలంగాణ రాష్ట్ర సమితి పార్టీలో చేరారు. 2014 శాసనసభ ఎన్నికలలో తెరాస తరఫున పటాన్‌చెరు అసెంబ్లీ నియోజకవర్గం నుంచి పోటీచేసి తొలిసారి ఎమ్మెల్యే అయ్యారు. విభాగాలు: మెదక్ జిల్లా రాజకీయ నాయకులు, పటాన్‌చెరు అసెంబ్లీ నియోజకవర్గం, 14వ శాసనసభ సభ్యులు  = = = = =