మెదక్ జిల్లా (Medak Dist)

మెదక్ జిల్లా జనాభా (2011) 7,67,428 మండలాలు 21 వైశాల్యం 2786 Sq km మెదక్ జిల్లా తెలంగాణా రాష్ట్రంలోని 33 జిల్లాలలో ఒకటి. అక్టోబరు 11, 2016 నాటి జిల్లాల పునర్వ్యవస్థీకరణ ప్రకారం జిల్లాలో 3 రెవెన్యూ డివిజన్లు, 20+1 (21) మండలాలు ఉన్నాయి. మెదక్ చర్చి, ఘన్‌పూర్ ఆనకట్ట, కొల్చారం జైనమందిరం, పోచారం జలాశయం, ఏడుపాయలు జిల్లాలోని ప్రముఖ పర్యాటక ప్రాంతాలు. జిల్లా గుండా 44వ నెంబరు జాతీయ రహదారి, సికింద్రాబాదు-నిజామాబాదు రైలుమార్గం, మంజీరానది వెళ్ళుచున్నాయి. శాతవాహనుల కాలంలో మంజీరకదేశంగా, కుతుభ్‌షాహీల కాలంలో గుల్షనాబాదుగా, నిజాంకాలంలో మెతుకుసీమగా ఈ ప్రాంతం పేరుపొందింది. జిల్లాలో ప్రస్తుతం 21 రెవెన్యూ మండలాలు, 3 రెవెన్యూ డివిజన్లు, 381 రెవెన్యూ గ్రామాలు కలవు. భౌగోళికం, సరిహద్దులు: ఈ జిల్లాకు తూర్పున సిద్ధిపేట జిల్లా, ఉత్తరాన కామారెడ్డి జిల్లా, దక్షిణాన మరియు పశ్చిమాన సంగారెడ్డి జిల్లా సరిహద్దులుగా ఉన్నాయి. మంజీరానది ఈ జిల్లాలో ప్రవహించు ముఖ్యనది. మెదక్ చర్చి చరిత్ర: మెదక్ ప్రాంతాన్ని పూర్వం మెతుకు సీమగా వ్యవహరించేవారు. శాతవాహనులు, బాదామి చాళుక్యులు, కళ్యాణి చాళుక్యులు, రాష్ట్రకూటులు, కాకతీయులు, బహమనీలు, కుతుబ్‌షాహీలు, మొఘలులు, ఆసఫ్‌జాహీలు ఈ ప్రాంతాన్ని పాలించారు. 1948 సెప్టెంబరు 17న ఈ జిల్లా భారతదేశంలో భాగమైంది. హైదరాబాదు రాష్ట్రంలో ఉంటూ 1956 నవంబరు 1న తెలంగాణలోని ఇతర జిల్లాలతో పాటు ఇది కూడా ఆంధ్రప్రదేశ్‌లో కలిసింది. జూన్ 2, 2014న తెలంగాణ ప్రత్యేక రాష్ట్రంగా అవతరించుటతో ఈ జిల్లా తెలంగాణ రాష్ట్రంలో భాగంగా ఉంది. 2016 అక్టోబరు 11న జిల్లాల పునర్వ్యవస్థీకరణ సమయంలో జిల్లా 3 ముక్కలైంది. కొత్తగా సంగారెడ్డి, సిద్ధిపేట జిల్లాలు అవతరించాయి. డిసెంబరు 24, 2020న  కొత్తగా మాసాయిపేట మండలం ఏర్పాటుచేయబడింది రవాణా సౌకర్యాలు: దేశంలోనే అతిపొడవైన 7వ నెంబరు (44వ) జాతీయ రహదారి, సికింద్రాబాదు నాందేడ్ రైల్వేలైన్ జిల్లా గుండా వెళ్ళుచున్నాయి. ఇవి కూడా చూడండి: మెదక్ జిల్లా మండలాలు, మెదక్ జిల్లా ప్రముఖులు, హోం, విభాగాలు: తెలంగాణ జిల్లాలు, మెదక్ జిల్లా,  = = = = =