స్వాతంత్ర్యానికి పూర్వం పాలమూరు జిల్లాలో ఉన్న సంస్థానాలలో అమరచింత సంస్థానము ఒకటి. అప్పట్లో ఈ సంస్థానం పరిధిలో 69 గ్రామాలు కలిగి దాదాపు 190 చ.కి.మీ.ల విస్తీర్ణములో వ్యాపించి ఉండేది. ఈ సంస్థానము యొక్క పాలనా కేంద్రము ఆత్మకూరు. 1901 నాటికి 34,147 జనాభా, 1.4 లక్షల రెవిన్యూ ఆదాయమును ఈ సంస్థానం కలిగి ఉండేది. అందులో 6,363 రూపాయలు నిజాముకు కప్పముగా కట్టేవారు. సంస్థానము యొక్క రాజుల నివాస గృహమైన ఆత్మకూరు కోట ఇప్పటికీ పఠిష్టముగా ఉన్నది. ఆమరచింత సంస్థానము చాలా పురాతనమైన సంస్థానము. సంస్థానము యొక్క దక్షిణ భాగమున గద్వాల సంస్థానము ఉండేది. ఈ రెండు సంస్థానాలకు సరిహద్దుగా కృష్ణా నది ఉన్నది. అమరచింత మరియు ఆత్మకూరు అత్యంత నాణ్యమైన మేలు మస్లిన్‌ బట్టతో నేసిన దస్తీలు, ధోవతులు, బంగారు మరియు పట్టు అంచులతో నేసిన తలపాగలకు ప్రసిద్ధి చెందినవి.
కామెంట్‌లు లేవు:
కామెంట్‌ను పోస్ట్ చేయండి