ఎడ్మకిష్టారెడ్డి (Edma Kista Reddy)

ఎడ్మకిష్టారెడ్డి జననం మార్చి 22, 1947 రంగం రాజకీయాలు పదవులు 2సార్లు ఎమ్మెల్యే మరణం ఆగస్టు 19, 2020 ఎడ్మకిష్టారెడ్డి మార్చి 22, 1947న జన్మించారు. పీయుసి వరకు విద్యనభ్యసించి, 1967లో సంయుక్త సోషలిస్టు పార్టీ ద్వారా రాజకీయ రంగప్రవేశం చేశారు. మాజీ గవర్నర్ సత్యనారాయణ రెడ్డి ఇతని రాజకీయ గురువు. 1970లో కల్వకుర్తి మేజర్ గ్రామపంచాయతి వార్డు సభ్యునిగా ఎన్నికై, 1973లో సర్పంచ్ అయ్యారు. 1975 అత్యవసర పరిస్థితి కాలంలో జైలుకు వెళ్ళారు. ఏడాది పాటు చంచల్ గూడ జైలులో గడిపారు. 1981లో మరోసారి కల్వకుర్తి సర్పంచిగా పనిచేశారు.    1986లో కల్వకుర్తి ఎంపిపిగా, 1994లో కల్వకుర్తి నియోజకవర్గం నుంచి ఇండిపెండెంట్‌గా పాటీచేసి శాసనసభ్యుడిగా ఎన్నికయ్యారు. 1998లో కాంగ్రెస్ పార్టీలో చేరి, 2004లో కాంగ్రెస్ తరఫున రెండోసారి కల్వకుర్తి నుంచే ఎమ్మెల్యే అయ్యారు. . 2004 ఎన్నికలకు ముందు రైతులకు 9 గంటల విద్యుత్ సరఫరా చేయాలని కల్వకుర్తిలో 8 రోజులపాటు ఆమరణ నిరాహారదీక్ష చేశారు. 2009లో ఓడిపోయారు. ఆ తర్వాత వైఎస్సార్ పార్టీలో చేరి జిల్లా కన్వీనర్‌గా నియమితులయ్యారు. 2014, ఫిబ్రవరిలో వైకాపా జిల్లా అధ్యక్షుడిగా నియమించబడ్డారు. ఆగస్టు 19, 2020న మరణించారు.   హోం విభాగాలు: నాగర్‌కర్నూల్ జిల్లా ప్రముఖులు,  కల్వకుర్తి మండలము,  కల్వకుర్తి అసెంబ్లీ నియోజకవర్గం,  = = = = =