జే.రామేశ్వర్ రావు (J.Rameshwar Rao)

జననం ఫిబ్రవరి 6, 1923 పదవులు దౌత్యవేత్త, 4 సార్లు ఎంపి, నియోజకవర్గం మహబూబ్‌నగర్ లో/ని, మరణం సెప్టెంబర్ 15, 1998 జునుంపల్లి రామేశ్వరరావు ఫిబ్రవరి 6, 1923న జన్మించారు. 1944లో 21 యేళ్ళ వయసులో వనపర్తి సంస్థానాధీశుడైన రాజా జే.రామేశ్వర్ రావు స్వాతంత్ర్యానంతరం దౌత్యవేత్తగా మరియు లోకసభ సభ్యుడిగానూ పనిచేశారు. ఈయన తండ్రి రాజా కృష్ణదేవరావు, తల్లి రాణీ సరళాదేవి. తల్లిపేరిట అత్యధునిక సైఫన్ టెక్నాలజీతో సరళాసాగర్ ప్రాజెక్టును నిర్మింపచేశాడు. రామేశ్వరరావు 1949లో ఇండియన్ ఫారిన్ సర్వీసులో చేరి 1950-52ల మధ్య నైరోబిలో ప్రథమ భారతీయ రాయబారిగా, 1953 నుండి 1956 వరకు గోల్డ్‌కోస్ట్ (ఘనా) మరియు నైజీరియాలకు భారత రాయబారిగా పనిచేశారు. రామేశ్వరరావు వ్యవసాయము, సాగునీటి అభివృద్ధికి కూడా కృషిచేశారు. తన తల్లి సరళాదేవి పేరిట సరళాసాగర్ ప్రాజెక్టును నిర్మింపజేశారు. ప్రపంచవ్యాప్తంగా విస్తృతంగా పర్యటించిన రామేశ్వరరవు 1958లో ఐక్యరాజ్యసమితికి భారతీయ బృందంలో, 1960-61లో ఐక్యరాజ్యసమితి కాంగో కన్సీలియేషన్ కమిషన్‌లో, 1964-65లో అల్జీర్స్‌లో జరిగిన ఆఫ్రో-ఆసియా సదస్సులో సభ్యునిగా వెళ్లారు. రామేశ్వరరావు 2వ, 4వ, 5వ మరియు 6వ లోక్‌సభలకు మహబూబ్‌నగర్ లోక్‌సభ నియోజకవర్గం నుండి కాంగ్రెసు పార్టీ అభ్యర్ధిగా మూడుసార్లు ఎన్నికై పార్లమెంటు విదేశాంగ వ్యవహారాల సలహా సంఘంలోనూ, ప్రణాళికా సలహా సంఘంలోనూ సభ్యుడిగా పనిచేశాడు. సెప్టెంబర్ 15, 1998న 75 ఏళ్ల వయసులో రామేశ్వరరావు మరణించారు. ఇవి కూడా చూడండి: వనపర్తి సంస్థానం,  మహబూబ్‌నగర్ లోక్‌సభ నియోజకవర్గం హోం విభాగాలు:  వనపర్తి జిల్లా ప్రముఖులు,  వనపర్తి సంస్థానం,  మహబూబ్‌నగర్ లోకసభ నియోజకవర్గం,  = = = = =