గోలకొండ పత్రిక (Golkonda Patrika)

గోలకొండ పత్రిక (1926-1966) ప్రారంభం 1926, మార్చి 10 సంపాదకుడు సురవరం ప్రతాపరెడ్డి గోలకొండ పత్రిక 1926, మార్చి 10న సురవరం ప్రతాపరెడ్డి సంపాదకత్వంలో ప్రారంభమైనది. ఇది మొదట ద్వైవార పత్రికగా ఉంటూ సోమ మరియు బుధవారాలలో వెలువడేది. 1947 నుంచి దినపత్రికగా మారింది. సురవరం ప్రతాపరెడ్డి నిజాం నిరంకుశ విధానాలను పత్రిక ద్వారా ఎదుర్కొన్నారు. తెలుగు సాహిత్యానికి పత్రిక ద్వారా ఎనలేని కృషిచేశారు. తెలంగాణాలో కవులే లేరనే నిందను సవాలుగా తీసుకొని ఈ పత్రికకు అనుబంధంగా గోలకొండ కవుల సంచిక విడుదల చేసి విమర్శకుల నోరుమూయించారు. దాదాపు 4 దశాబ్దాలు కొనసాగి 1966లో పత్రిక మూతపడింది. గోలకొండ పత్రిక మూతపడిననూ ఆ పత్రిక సంచికలకు ఇప్పటికీ ఎనలేని ప్రాధాన్యత ఉంది. తెలంగాణ గురించి, పాలమూరు జిల్లా గురించి సాహిత్య, సాంస్కృతిక తదితర అంశాలకై ఇప్పటికీ రచయితలు ఈ పత్రికపైనే ఆధారపడుతున్నారు.  ప్రెస్ అకాడమీ వారు ఈ పత్రిక సంచికలన్నీ స్కాన్ చేసి అంతర్జాలంలో అందుబాటులో ఉంచడంతో పరిశోధకులకు, ఔత్సాహికులకు మరింత సులభమైంది. సురవరం సంపాదకత్వంలో వెడువడినందున గోల్కొండ పత్రికకు మంచిపేరు రావడమే కాకుండా ఆ పత్రికలో నిర్భయంగా నిజాం ప్రభుత్వ దారుణాలను పాథకులందించి "గోలకొండ ఫిరంగి"గా సురవరం ప్రసిద్ధి చెందారు. తెలంగాణ ప్రజల రాజకీయ చైతన్యానికి పత్రిక దోహదపడింది. విభాగాలు: తెలుగు పత్రికలు,  పాలమూరు జిల్లా పత్రికలు,  సురవరం ప్రతాపరెడ్డి,  = = = = = సంప్రదించిన గ్రంథాలు, వెబ్‌సైట్లు: మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), పాలమూరు వైజయంతి (2013 ప్రపంచ తెలుగు మహాసభల సందర్భంగా వెలువడిన ప్రత్యేక సంచిక), బ్లాగు రచయిత పరిశోధనలు,

Tags: గోల్కొండ పత్రిక, సురవరం ప్రతాపరెడ్డి, వనపర్తి, మహబూబ్‌నగర్ జిల్లా, తెలుగు ప్రాచీన పత్రికలు,