ఆలె నరేంద్ర (Aelay Narendra)

ఆలె నరేంద్ర జననం ఆగస్టు 21, 1946 పదవులు 3 సార్లు ఎమ్మెల్యే, 2 సార్లు ఎంపి, కేంద్రమంత్రి, నియోజకవర్గం హిమాయత్‌నగర్ అ/ని, మెదక్ లో/ని, మరణం 9 ఏప్రిల్, 2014. తెలంగాణకు చెందిన ప్రముఖ రాజకీయ నాయకుడైన ఆలె నరేంద్ర ఆగస్టు 21, 1946న హైదరాబాదులో జన్మించారు. బిఎస్సీ వరకు అభ్యసించి, రాజకీయాలలో ప్రవేశించి, 3 సార్లు ఎమ్మెల్యేగా, 2 సార్లు ఎంపీగా ఎన్నికకావడమే కాకుండా కేంద్రమంత్రిగా కూడా పదవి పొందారు. ఏప్రిల్ 9, 2014న ఆలె నరేంద్ర మరణించారు. రాజకీయ ప్రస్థానం: ఆలె నరేంద్ర తొలిసారి 1983లో హిమాయత్‌నగర్ అసెంబ్లీ నియోజకవర్గం నుంచి భారతీయ జనతాపార్టీ తరఫున శాసనసభకు ఎన్నికయ్యారు. భాజపా నుంచి 3 సార్లు శాసనసభకు ఎన్నికై 1999లో కూడా భాజపా తరఫున మెదక్ లోకసభ నియోజకవర్గం నుంచి ఎంపిగా గెలుపొందారు. ఆ తర్వాత తెలంగాణ సంఘర్షణ పార్టీ ఏర్పాటు చేసి భాజపా నుంచి బహిష్కృతులైనారు. ఆ తర్వాత తెరాసలో చేరి 2004లో తెరాస తరఫున మెదక్ నుంచి లోకసభకు విజయం సాధించారు. కేంద్రంలో కొంతకాలం మంత్రిగా బాధ్యతలు నిర్వహించారు. కెసీఆర్‌తో వివాదాల వల్ల తెరాస నుంచి బహిష్కృతుడై తెరాస(ఎన్) స్థాపించారు. అణుఒప్పందం బిల్లు సమయంలో కాంగ్రెస్ పార్టీకి అనుకూలంగా ఓటువేసి ఆ పార్టీకి దగ్గరయ్యారు. అనంతరం కాంగ్రెస్ పార్టీలో చేరారు. కాంగ్రెస్ పార్టీ తరఫున రాజ్యసభకు ఎన్నికయ్యారు. ఆ తర్వాత మళ్ళీ భాజపాలో ప్రవేశించారు. కుటుంబం: నరేంద్ర భార్య పేరు ఏ.లలిత. వీరికి ఇద్దరు కుమారులు, ఒక కూతురు. కుమారుడు గ్రేటర్ హైదరాబాదు కార్పోరేషన్ డివిజన్ సభ్యుడు (కార్పోరేటర్). విభాగాలు: తెలంగాణ భాజపా ప్రముఖులు, తెలంగాణ రాజకీయ నాయకులు, హైదరాబాదు, హిమాయత్‌నగర్ అసెంబ్లీ నియోజకవర్గం, మెదక్ లోకసభ నియోజకవర్గం, కేంద్ర మంత్రులు, 13వ లోకసభ సభ్యులు, 14వ లోకసభ సభ్యులు, 1946లో జన్మించినవారు, 2014లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: లోకసభ సభ్యుల ప్రొఫైల్,