బషీరుద్దీన్ బాబూఖాన్ (basheeruddin babu khan)

బషీరుద్దీన్ బాబూఖాన్ జననం సెప్టెంబర్ 20, 1941 స్వస్థలం పోచారం పదవులు రాష్ట్ర మంత్రి, 2 సార్లు ఎమ్మెల్యే, నియోజకవర్గం బోధన్ అ/ని, మరణం సెప్టెంబరు 15, 2013 బషీరుద్దీన్ బాబూఖాన్ నిజామాబాదు జిల్లాకు చెందిన రాజకీయ నాయకుడు. రాష్ట్ర మంత్రిగా పనిచేసిన బాబూఖాన్ నిజామాబాదు జిల్లా ఎడవల్లి మండలం పోచారం గ్రామానికి చెందినవారు. సెప్టెంబర్ 20, 1941న జన్మించిన బాబూఖాన్ నిజాం ప్రభువు వంశానికి చెందినవారు. బషీరుద్దీన్ బాబూఖాన్ తాతగారు బోధన్‌లో నిజాం చక్కెర కర్మాగారాన్ని స్థాపించారు. 1985లో తెలుగుదేశం పార్టీలో చేరి బోధన్ అసెంబ్లీ నియోజకవర్గం నుంచి విజయం సాధించడమే కాకుండా ఎన్టీరామారావు మంత్రివర్గంలో స్థానం పొందారు. 1989లో పార్టీ టికెట్ లభించలేదు. 1994లో మరోసారి బోధన్ నుంచే పోటీచేసి విజయం సాధించారు. చంద్రబాబునాయుడు మంత్రివర్గంలో స్థానం పొంచారు. 1998లో తెలుగుదేశం పార్టీ కేంద్రంలో ఎన్డీఏ ప్రభుత్వానికి మద్దతు ఇవ్వడంతో బాబూఖాన్ మంత్రిపదవికి రాజీనామా సమర్పించారు. 1999లో పార్టీ టికెట్ లభించలేదు. 2004 ఎన్నికల సమయంలో కాంగ్రెస్ పార్టీలో చేరారు. ఆ తర్వాత క్రియాశీలక రాజకీయాలకు దూరంగా ఉన్నారు. సెప్టెంబరు 15, 2013న మరణించారు. విభాగాలు: నిజామాబాదు జిల్లా రాజకీయ నాయకులు, బోధన్ అసెంబ్లీ నియోజకవర్గం, ఎడవల్లి మండలము, 8వ శాసనసభ సభ్యులు, 10వ శాసనసభ సభ్యులు, 2013లో మరణించినవారు,  = = = = =