మిద్దె రాములు (Midde Ramulu)

మిద్దె రాములు జననం 1941 స్వస్థలం హనుమాజీపేట (కరీంనగర్ జిల్లా) రంగం ఒగ్గుకథ కళాకారుడు మరణం నవంబరు 25, 2010 మిద్దె రాములు 1941లో రాజన్న సిరిసిల్ల జిల్లా హనుమాజీపేటలో జన్మించారు. విద్యాభ్యాసం లేకున్నా కళలవైపు ఆకర్షితుడై ఒగ్గుకథలో రాణించి, వందలాది ప్రదర్శనలు ఇచ్చి, ఒగ్గుకథ పితామహుడిగా పేరుపొందారు. తెలంగాణ ప్రాంతంలోనే కాకుండా దేశ, విదేశాలలో సైతం ఒగ్గుకథకు పేరుతెచ్చారు. గొర్రెల పెంపకం వృత్తిగా ఉన్న గొల్ల కురములుకుల పురుషుడు బీరప్ప కథను ప్రచారం చేసేందుకు ఒగ్గుకథను రూపొందించుకున్నారు. ప్రారంభంలో ఒగ్గుకథను నేర్చుకోవాలనే తపనతో ఒంటరిగా గదిలో తలుపు మూసుకొని, ఆముదపు దీపం నీడలో తన కదలికల్ని గమనిస్తూ అంచెలంచెలుగా పట్టుసాధించి, తన జీవిత కాలంలో సుమారు 50వేల ప్రదర్శనలు ఇచ్చారు. కరీంనగర్‌, మెదక్‌, నిజామాబాద్‌ జిల్లాలలో మిద్దె రాములు శిష్యులు వందలాది మంది కళాకారులుగా రాణిస్తున్నారు. రాష్ట్ర ప్రభుత్వం కూడా జనాభా నియంత్రణ, వయోజన విద్య, అక్షరాస్యత కార్యక్రమాల గురించి ప్రచారం చేయడానికి మిద్దె రాములు కథల్ని విరివిగా ఉపయోగించుకుంది. ఆయన కథలో ప్రత్యేకత బోనాల నృత్యం. నెత్తిన బోనం ఉంచుకుని కథ చెబుతూనే నేలను తలతో ముద్దాడేవారు. మిద్దె రాములు ఆకాశవాణి, దూరదర్శన్‌లలో దాదాపు రెండు వందల ప్రదర్శినలిచ్చారు. 1990లో మారిషన్‌లో జరిగిన మూడవ ప్రపంచ తెలుగు మహాసభల్లో ప్రదర్శన ఇచ్చి అప్పటి మారిషస్‌ ప్రధాని అనురుధ్‌ జగన్నాథ్‌ ప్రశంసలు అందుకున్నారు. తన స్వస్థలానికే చెందిన ప్రముఖ కవి సి.నారాయణరెడ్డి ప్రోత్సాహం కూడా మిద్దె రాములుకు అందింది. తన కళా ప్రతీభతో జానపద కళా బ్రహ్మ' ఒగ్గు కథా చక్రవర్తి, కళాపురస్కార్‌ బిరుదులు పొందారు. మిద్దె రాములు నవంబరు 25, 2010న మరణించారు. ఇవి కూడా చూడండి: వేమలవాడ గ్రామీణ మండలం, విభాగాలు: రాజన్న సిరిసిల్ల జిల్లా ప్రముఖులు, తెలుగు కళాకారులు, వేములవాడ మండలము, 1941లో జన్మించినవారు, 2010లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: ఆంగ్ల వికీపీడియా, శత వసంతాల కరీంనగర్ జిల్లా,