బద్దం ఎల్లారెడ్డి (Baddam Yella Reddy)

బద్దం ఎల్లారెడ్డి (1906-1978) జననం 1906 స్వస్థలం గాలిపల్లి (కరీంనగర్ జిల్లా) రంగం తెలంగాణ సాయుధ పోరాటం, రాజకీయాలు, పదవులు ఎంపి, 2 సార్లు ఎమ్మెల్యే, తెలంగాణ సాయుధ పోరాటంలో, రాజకీయాలలో పేరుగాంచిన బద్దం ఎల్లారెడ్డి 1906లో కరీంనగర్ జిల్లా ఇల్లంతకుంట మండలం గాలిపల్లిలో జన్మించారు.1930 నుంచే కమ్యూనిజం వైపు ఆకర్షితులైనారు. 1938లో సత్యాగ్రాహానికి పూనుకున్నారు. 1939లో కమ్యూనిస్టు పార్టీ హైదరాబాదులో శాఖను ప్రారంభించగా దానిలో రావి నారాయణరెడ్డి లాంటి వారితో కలిసి బద్దం ఎల్లారెడ్డి పనిచేశారు. 1941లో ఎల్లారెడ్డి ఆంధ్రమహాసభకు ప్రధాన కార్యదర్శిగా ఎన్నికోబడ్డారు. తెలంగాణ సాయుధ పోరాటంలో కీలకపాత్ర వహించారు. తర్వాత రాజకీయాలలో చేరి లోకసభకు, రాష్ట్ర శాసనసభకు ఎన్నికయ్యారు. 1978 డిసెంబరు 27న మరణించారు. ఉద్యమాలు: ఎల్లారెడ్డి విద్యార్థి దశలోనే పోరుబాట పట్టారు. 1930లో కాకినాడ ఉప్పుసత్యాగ్రహంలో పాల్గొని 7 మాసాలు జలిశిక్షకు గురయ్యారు. తెలంగాణ సాయుధ పోరాటం సమయంలో అగ్రనాయకులలో ముఖ్యులుగా మారారు. సాయుధ పోరాట కాలంలోనూ అరెస్ట్ అయి 3 సంవత్సరాలు జైలుశిక్ష అనుభవించారు.  రాజకీయ ప్రస్థానం: యుక్తవయస్సు నుంచే కమ్యూనిజం వైపు ఆకర్షితుడైన ఎల్లారెడ్డి 1952లో పీపుల్స్ డెమొక్రటిక్ ఫ్రంట్ తరఫున కరీంనగర్ లోకసభ నియోజకవర్గం నుంచి పి.వి.నరసింహరావుపై విజయం సాధించారు. 1956లో సిపిఐ కేంద్ర కార్యవర్గ సభ్యులయ్యారు. 1958లో బుగ్గారం అసెంబ్లీ నియోజకవర్గం నుంచి శాసనసభకు ఎన్నికయ్యారు. 1964లో రాజ్యసభకు ఎన్నికైనారు. 1972లో ఇందుర్తి అసెంబ్లీ నియోజకవర్గం నుంచి ఎన్నికై శాసనసభలో రెండోసారి ప్రవేశించారు. గుర్తింపులు: 2006లో కరీంనగర్‌లో ఆయన విగ్రహం ప్రతిష్టించబడింది. విభాగాలు: కరీంనగర్ జిల్లా రాజకీయ నాయకులు, కరీంనగర్ జిల్లా సమరయోధులు, ఇల్లంతకుంట మండలం, కరీంనగర్ లోకసభ నియోజకవర్గం, బుగ్గారం అసెంబ్లీ నియోజకవర్గం, ఇందుర్తి అసెంబ్లీ నియోజకవర్గం, 1వ లోకసభ సభ్యులు, 2వ శాసనసభ సభ్యులు, 5వ శాసనసభ సభ్యులు,   = = = = = సంప్రదించిన గ్రంథాలు, వెబ్‌సైట్లు: తెలంగాణ సాయుధ పోరాటయోధులు,