ఎం.బి.గౌతం (M.B.Gautham)

ఎం.బి.గౌతం జననం ఆగస్టు 22, 1913 స్వస్థలం హైదరాబాదు రంగం దళిత ఉద్యమం, రాజకీయాలు, నియోజకవర్గం ఇబ్రహీంపట్నం అ/ని, మరణం 2010 హైదరాబాదు దళిత ఉద్యమ పితామహుడిగా పేరుపొందిన భాగ్యరెడ్డివర్మ ఏకైక కుమారుడైన ఎం.బి.గౌతం (మాదరి భాగ్య గౌతం) 1913, ఆగస్టు 22న హైదరాబాదులో జన్మించారు. నిజాం కళాశాలలో డిగ్రీ పూర్తిచేశారు. స్వాతంత్ర్య పోరాటంలోనూ, నిజాం వ్యతిరేక పోరాటంలోనూ చురుకుగా పాల్గొని జైలుశిక్ష కూడా అనుభవించారు. ఆ తర్వాత ఉపాధ్యాయుడిగా జీవితం ఆరంభించి, తండ్రి పేరిట భాగ్య స్మారక బాలికల ప్రత్యేక పాఠశాలను ప్రారంభించి జీవితాంతం నడిపారు. హైదరాబాదులో ఆది హిందూ భవనం క్రేందం నిర్వాహకుడుగానూ వ్యహరించారు. పలు సమాజసేవ కార్యక్రమాలలో పాలొన్నారు. ఇతని సేవలను గుర్తించి భారత ప్రభుత్వం 1972లో పద్మశ్రీ పురస్కార అందజేసింది. 2010లో గౌతం మరణించారు. రాజకీయ ప్రస్థానం: ఎం.బి.గౌతమ్ హైదరాబాదు సంస్థాన రాజకీయాలలో కూడా చురుగ్గా పాల్గొన్నారు. 1952లో జరిగిన మొట్టమొదటి శాసనసభా ఎన్నికలలో ఇబ్రహీంపట్నం ద్విసభ్య నియోజకవర్గం నుంచి కాంగ్రెస్ పార్టీ తరఫున పోటీచేసి హైదరాబాదు శాసనసభకు ఎన్నికయ్యారు. బూర్గుల రామకృష్ణారావు నేతృత్వంలోని హైదరాబాదు రాష్ట్ర ప్రభుత్వం ఏర్పాటు చేసిన భూసంస్కరణల సంఘంలో గౌతమ్ సభ్యుడిగా వ్యవహరించారు. దళితులకు, పేదలకు భూములు దక్కడానికి ఆ కమీషన్ సభ్యుడిగా ఆయన శ్లాఘనీయమైన కృషి చేశారు. 1962లో శాసనమండలికి ఎన్నికయ్యారు. 1971 లో ఆంధ్రప్రదేశ్ పబ్లిక్ సర్వీస్ కమిషన్ సభ్యుడిగా నియమించబడ్డారు. విభాగాలు: హైదరాబాదు జిల్లా ప్రముఖులు, హైదరాబాదు జిల్లా రాజకీయ నాయకులు, ఇబ్రహీంపట్నం అసెంబ్లీ నియోజకవర్గం, హైదరాబాదు శాసనసభ సభ్యులు, శాసనమండలి సభ్యులు, 1913లో జన్మించినవారు, 2010లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా,