కోదాటి నారాయణరావు (Kodati Narayana Rao)

కోదాటి నారాయణరావు జననం డిసెంబరు 15, 1914 స్వస్థలం రేపాల (సూర్యాపేట జిల్లా) రంగం ప్రజాఉద్యమాలు మరణం నవంబరు 11, 2002 గ్రంథాలయ ఉద్యమంలోనూ, ప్రారంభంలో విశాలాంధ్ర తర్వాత తెలంగాణ ఉద్యమంలోనూ, నిజాం వ్యతిరేక పోరాటంలోనూ చురుకుగా పాల్గొన్న కోదాటి నారాయణరావు 1914లో సూర్యాపేట జిల్లా రేపాల గ్రామంలో జన్మించారు. న్యాయవాదాన్ని అభ్యసించి తర్వాత కొన్ని పత్రికలలో పనిచేసి, ఆ తర్వాత ప్రజాపోరాటాలలో పాలుపంచుకున్నారు. నారాయణత్రయంగా ప్రసిద్ధి చెందిన తెలంగాణకు చెందిన ముగ్గురు నారాయణరావులలో వీరు ఒకరు. 2002లో కోదాటి మరణించారు. బాల్యం, విద్యాభ్యాసం: కోదాటి నారాయణరావు నల్గొండ జిల్లా మునగాల మండలం రేపాల గ్రామంలో డిసెంబరు 15, 1914న జన్మించారు. బీఎస్సీ, ఎల్‌ఎల్‌బి అభ్యసించి హైదరాబాదులో స్థిరపడ్డారు. హైదరాబాదు సంస్థానంలో తెలంగాణ ప్రజలను జాగృతం చేశారు. విజయవాడ నుంచి వెలువడే ఆంధ్రవాణి పత్రికకు విలేకరిగా, కొంతకాలం గోల్కొండ పత్రికలో, రయ్యత్ పత్రికలో కూడా పనిచేశారు. ప్రజా ఉద్యమాలు: 1940లో ధర్మవరంలో జరిగిన సభలో నిజాం ప్రభుత్వ రాజకీయ సంస్కరణలను వ్యతిరేకిస్తూ తీర్మానం ప్రవేశపెట్టారు. 1941ఆంధ్రమహాసభలో విశాలాంధ్ర తీర్మానం ప్రవేశపెట్టారు. క్విట్ ఇండియా ఉద్యమంలో అజ్ఞాతంగా పనిచేశారు. 1948లో నిజాం వ్యతిరేక ఉద్యమంలోనూ చురుకుగా పాల్గొన్నారు. 1948-49లో అఖిల భారత కాంగ్రెస్ కమిటి సభ్యులుగా ఉన్నారు. ఆంధ్రప్రదేశ్ సహకార సంఘానికి, ఆంధ్రప్రదేశ్ గ్రంథాలయ సంస్థకు అధ్యక్షులుగా పనిచేశారు. తెలంగాణా ఉద్యమంలో కోదాటి, కాళోజీ, కొమరగిరి నారాయణరావులు ఎంతో సన్నిహితంగా ఉండేవారు. వీరు ముగ్గురు "నారాయణ త్రయం" గా పిలువబడ్డారు. కాకతీయ విశ్వవిద్యాలయం కోదాటికి గౌరవ డాక్టరేట్ ప్రదానం చేసింది. కోదాటి నారాయణరావు నవంబరు 11, 2002న మరణించారు. విభాగాలు: సూర్యాపేట జిల్లా సమరయోధులు, మునగాల మండలము, 1914లో జన్మించినవారు, 2002లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: స్వాతంత్ర్యోద్యమంలో తెలుగు యోధులు, నల్గొండ జిల్లా స్వాతంత్ర్యోద్యమ చరిత్ర,