నక్రేకల్ అసెంబ్లీ నియోజకవర్గం (Nakrekal Assembly Constituency)

నక్రేకల్ అసెంబ్లీ నియోజకవర్గం నల్గొండ జిల్లాలోని 12 అసెంబ్లీ నియోజకవర్గాలలో ఒకటి. ఈ నియోజకవర్గ పరిధిలో 6 మండలాలున్నాయి. ఈ సెగ్మెంట్ భువనగిరి లోకసభ నియోజకవర్గంలో భాగంగా ఉన్నది. పునర్విభజనలో ఈ నియోజకవర్గం ఎస్సీలకు రిజర్వ్ చేయబడింది. ఈ నియోజకవర్గం పరిధిలోని మండలాలు: నకిరేకల్,  రామన్నపేట,  చిట్యాల,  నార్కెట్‌పల్లి,  కట్టంగూరు,  కేతెపల్లి, సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 2004 నోముల నరసింహయ్య సి.పి.ఎం. కటికం సత్తయ్య గౌడ్‌ తెలుగుదేశం పార్టీ 2009 టి.లింగయ్య కాంగ్రెస్ పార్టీ మామిడి నర్సయ్య సీపీఎం 2014 వీరేశం తెరాస టి.లింగయ్య కాంగ్రెస్ పార్టీ 2018 చిరుమర్తి లింగయ్య కాంగ్రెస్ పార్టీ వేముల వీరేశం తెరాస 2004 ఎన్నికలు:  2004లో జరిగిన శాసనసభ ఎన్నికలలో ఈ అసెంబ్లీ నియోజకవర్గం నుండి సి.పి.ఎం. పార్టీకి చెందిన నోముల నరసింహయ్య తన సమీప ప్రత్యర్థి అయిన తెలుగుదేశం పార్టీ అభ్యర్థి కటికం సత్తయ్య గౌడ్‌పై 24222 ఓట్ల మెజారిటీతో విజయం సాధించారు. నర్సిహ్మయ్య 66999 ఓట్లు పొందగా, సత్తయ్య గౌడ్ 42777 ఓట్లు సాధించారు. 2009 ఎన్నికలు: 2009లో జరిగిన శాసనసభ ఎన్నికలలో ఈ నియోజకవర్గం నుంచి కాంగ్రెస్ పార్టీ అభ్యర్థి టి.లింగయ్య తన సమీప ప్రత్యర్థి, సీపీఎంకు చెందిన మామిడి నర్సయ్యపై 12176 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2014 ఎన్నికలు: 2014 ఎన్నికలలో ఇక్కడి నుంచి తెరాసకు చెందిన వీరేశం తన సమీప ప్రత్యర్థి, కాంగ్రెస్ పార్టీకి చెందిన లింగయ్యపై 2370 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 ఎన్నికలలో తెరాస తరఫున వేముల వీరేశం, భాజపా తరఫున కాసర్ల లింగయ్య, ప్రజాకూటమి తరఫున కాంగ్రెస్ పార్టీకి చెందిన చిరుమర్తి లింగయ్య పోటీచేశారు. కాంగ్రెస్ పార్టీకి చెందిన చిరుమర్తి లింగయ్య తన సమీప ప్రత్యర్థి, తెరాసకు చెందిన వేముల వీరేశం పై 8259 ఓట్ల మెజారిటీతో విజయం సాధించారు. విభాగాలు: నల్గొండ జిల్లా అసెంబ్లీ నియోజకవర్గాలు, భువనగిరి లోకసభ నియోజకవర్గం, నక్రేకల్ నియోజకవర్గం,    = = = = =