ఈ.ఎం.ఎస్.నంబూద్రిపాద్ (E. M. S. Namboodiripad)

ఈ.ఎం.ఎస్.నంబూద్రిపాద్ జననం జూన్ 13, 1909 పదవులు 2 సార్లు కేరళ ముఖ్యమంత్రి, పార్టీ సీపీఎం మరణం మార్చి 19, 1998 భారతదేశ కమ్యూనిస్టు నాయకులలో ప్రసిద్ధుడైన ఈ.ఎం.ఎస్.నంబూద్రిపాద్ జూన్ 13, 1909న ప్రస్తుత కేరళ రాష్ట్రంలోని ఏలంకులంలో జన్మించారు. 1957లో కేరళ ముఖ్యమంత్రిగా పనిచేసి దేశంలోనే తొలి కాంగ్రెసేతర ముఖ్యమంత్రిగానే కాకుండా ప్రపంచంలోనే ప్రజాస్వామ్యయుతంగా ఎన్నికోబడిన తొలి కమ్యూనిస్టు నాయకుడిగానూ రికార్డు సృష్టించారు. 1967లో రెండోసారి కేరళ ముఖ్యమంత్రి అయ్యారు. 1964లో కమ్యూనిస్టు పార్టీ విభజన అనంతరం సీపీఎంకు నాయకత్వం వహించారు. నంబూద్రిపాద్ మార్చి 19, 1998న మరణించారు. రాజకీయ ప్రస్థానం: 1934లో నంబూద్రిపాద్ కాంగ్రెస్ పార్టీలో అంతర్గత విభాగమైన కాంగ్రెస్ సోషలిస్టు పార్టీ సంస్థాపక సభ్యులుగా ఉన్నారు. 1934-40 కాలంలో అఖిల భారత ప్రధాన కార్యదర్శిగా పనిచేశారు. 1939లోనే మద్రాసు శాసనసభకు ఎన్నికయ్యారు. ఆ తర్వాత సీపీఐలో చేరి ఆ పార్టీలో ముఖ్యుడిగా అవతరించారు. 1957లో కేరళలో కమ్యూనిస్టు పార్టీని గెలిపించి కేరళ ముఖ్యమంత్రి పీఠం అధిష్టించారు. దేశంలోనే తొలి కాంగ్రెసేతర ముఖ్యమంత్రిగానే కాకుండా ప్రపంచంలోనే ప్రజాస్వామ్యపద్దతిలో ఎన్నికైన తొలి కమ్యూనిస్టు నాయకుడిగా రికార్డు సృష్టించారు. ముఖ్యమంత్రిగా ఉన్నప్పుడూ భూసంస్కరణకై కృషిచేశారు. 1964లో సీపీఐలో విభజన తర్వాత సీపీఎంలో చేరి ఆ పార్టీ తరఫున 1967లో రెండోసారి నంబూద్రిపాద్ ముఖ్యమంత్రి అయ్యారు. 1969 నవంబరు వరకు పనిచేశారు. విభాగాలు: కేరళ ముఖ్యమంత్రులు, సీపీఎం ప్రముఖులు, 1909లో జన్మించినవారు, 1998లో మరణించినవారు,  = = = = =