శివసేన (Shiv Sena)

శివసేన  ప్రారంభం జూన్ 19, 1966 స్థాపకుడు బాల్ థాకరే రాష్ట్రం మహారాష్ట్ర ప్రస్తుత అధ్యక్షుడు ఉద్ధవ్ థాకరే శివసేన మహారాష్ట్రకు చెందిన ప్రాంతీయ రాజకీయపార్టీ. దీనిని జూన్ 19, 1966న బాల్ థాకరే చేత ప్రారంభించారు. మహారాష్ట్రుల తరఫున ఉద్యమించి, "మహారాష్ట్ర మహరాష్ట్రీయులదే" అనే నినాదంతో ముందుకువచ్చి, భూమిపుత్ర సిద్ధాంతంతో ముడిపడిన ఈ ప్రాంతీయ పార్టీ మహారాష్ట్ర రాజకీయాలలో ప్రముఖ పాత్ర పోషించడమే కాకుండా ఎన్డీఏలో భాగంగా ఉంటూ జాతీయ రాజకీయాలలో కూడా ప్రభావం చూపుతోంది. దీనికి ప్రస్తుతం బాల్ థాకరే కుమారుడు ఉద్ధవ్ థాకరే అధిపతి. పార్టీ రాజకీయ ప్రస్థానం: ప్రారంభంలో శివసేన పార్టీ అంతగా ప్రభావం చూపనప్పటికీ ప్రారంభించిన 2 దశాబ్దాల తర్వాత మహారాష్ట్రలో 15 లోకసభ స్థానాలు పొంది తన ఉనికిని చాటుకుంది. 1999 లోకసభ ఎన్నికలలో కూడా 15 స్థానాలు పొందింది. 2004లో 12 స్థానాలు, 2009లో 11 స్థానాలు, 2014లో 18 స్థానాలు పొందింది. 1995 నుంచి 1999 వరకు మహారాష్ట్రలో అధికారంలో కొనసాగింది. మనోహర్ జోషి మరియు నారాయణరాణే ఈ కాలంలో ముఖ్యమంత్రులుగా పనిచేశారు. 1999 నుంచి ప్రధాన ప్రతిపక్షంగా కొనసాగుతోంది. ముంబాయి నగరపాలక సంస్థలో కూడా ఈ పార్టీ అధికారంలోఉంది. విభాగాలు: భారతదేశ రాజకీయ పార్టీలు, 1966 స్థాపితాలు, మహారాష్ట్ర,  = = = = =