ఫీఫా ప్రపంచ కప్ 2014 (FIFA World Cup 2014)

ఫీఫా ప్రపంచ కప్ 2014 విజేత జర్మనీ రెండోస్థానం అర్జెంటీనా ఆతిథ్యదేశం బ్రెజిల్ టోర్నీ కాలం జూన్-జూలై 2014 ఫీఫా ప్రపంచ కప్ 2014 టోర్నమెంటు దక్షిణ అమెరికాలోని బ్రెజిల్‌లో జూన్ 12, 2014న ప్రారంభమైంది. 32 జట్లు హోరాహోరీగా తలపడిన ఈ టోర్నమెంటులో జూలై 13, 2014న జరిగిన ఫైనల్ మ్యాచ్‌లో జర్మనీ జట్టు అదనపు సమయంలో గోల్ చేసి 1-0తో అర్జెంటీనాపై విజయం సాధించి 4వ సారి ఫీఫా కప్ సాధించింది. ఫేవరైట్‌గా బరిలోకి దిగిన ఆతిథ్యజట్టు బ్రెజిల్ 4వ స్థానంలో నిలిచింది. 3,4 స్థానాలకోసం జరిగిన పోటీలో నెదర్లాండ్స్ జట్టు బ్రెజిల్‌పై గెలుపొందింది. గ్రూప్ మ్యాచ్‌లు: టోర్నమెంటులో పాల్గొన్న 32 జట్లు 8 గ్రూపు మ్యాచ్‌లలో తలపడి ఒక్కో గ్రూప్ నుంచి రెండు జట్లు ప్రీక్వార్ట్స్ లోకి ప్రవేశించాయి. బ్రెజిల్ "ఏ" గూపులో, నెదర్లాండ్స్ "బి" గ్రూపులో, అర్జెంటీనా "ఎఫ్" గ్రూపులో, జర్మనీ "జి" గ్రూపులో అగ్రస్థానం పొందాయి. ఆసియా దేశాలైన జపాన్, దక్షిణ కొరియా, ఇరాన్ గ్రూప్ దశలోనే ఇంటిముఖం పట్టాయి. క్వార్టర్ ఫైనల్స్ చేరిన 8 జట్లు అన్నీ దక్షిణ/లాటిన్ అమెరికా, యూరప్ ఖండాలకు చెందినవే. అవార్డులు: ఈ టోర్నీలో గోల్డెన్ బాల్ అవార్డు అర్జెంటీనాకు చెందిన లియోనెల్ మెస్సీకి లభించగా, సిల్వర్ బాల్ జర్మనీకి చెందిన థామస్ ముల్లర్‌కు లభించింది.  గోల్డెన్ బూట్ అవార్డు కొలంబియాకు చెందిన జేమ్స్ రోడ్రిగ్జ్‌కు, సిల్వర్ బూట్ అవార్డు జర్మనీకి చెందిన థామస్ ముల్లర్‌కు లభించింది. ఉత్తమ గోల్‌కీపర్‌కు ప్రధానం చేసే గోల్డెన్ గ్రోవ్ అవార్డు జర్మనీకి చెందిన మాన్యువెల్ న్యూర్‌కు లభించింది. రికార్డులు: జర్మనీకి చెందిన మిరొస్లావ్ కోల్జ్ 16వ గోల్ కొట్టి ప్రపంచకప్ రొనాల్డోను వెనక్కి నెట్టి చరిత్రలోనే అత్యధిక గోల్స్ నమోదుచేసిన క్రీడాకారుడిగా అవతరించాడు. జర్మనీ జట్టు ఫీఫా కప్ గెలవడం ఇది 4వ సారి. గతంలో 1954, 1974, 1990లలో కప్ గెలిచింది. విభాగాలు: ఫుట్‌బాల్, ప్రపంచ కప్ టోర్నెమెంట్లు, 2014,  = = = = =