వేమన (Vemana)

వేమన రంగం నీతిపద్యాల రచయిత జీవన కాలం 17వ శతాబ్దం (బ్రౌన్ ప్రకారం) స్వస్థలం మూగచింతపల్లె ? మరణం కటారుపల్లె ? ఆటవెలది చంధస్సులో నీతిపద్యాలు రచించి తెలుగు సాహిత్యంలో ప్రముఖ పేరు పొందిన వేమన ఏ కాలంనాటి వాడో ఖచ్చితమైన ఆధారాలు లభించలేవు. వందలాది పద్యాలు రచించిననూ తన గురించి ఖచ్చితమైన ఆధారాలు తెలుపలేదు. సి.పి.బ్రౌన్ వేమన పద్యాలను వెలికితీసేవరకు ఇతని గురించి తెలిసినవారు బహుతక్కువ. సి.పి.బ్రౌన్ ఈయన 17వ శతాబ్దికి చెందిన కవిగా, రెడ్డివంశానికి చెందినవాడిగా తన అభిప్రాయాలు వెలిబుచ్చాడు. వేమన తాను రచించిన ఒక పద్యం ప్రకారం చిత్తూరు జిల్లా మూగచింతపల్లె గ్రామానికి చెందినవాడిగా తెలియుచున్నది. వేమన సమాధి ప్రస్తుత అనంతపురం జిల్లాలోని కటారుపల్లెలో ఉంది. వేమన రచించిన పద్యాలలో చివరి పాదం "విశ్వధాభిరామ వినురవేమ"తో అంతమౌతుంది. దీనికి సరైన అర్థం కూడా ఇప్పటివరకు ఎవరూ నిర్థారించలేదు. ఆటవెలది కాకుండా కందం చంధస్సులో కూడా వేమన కొన్ని పద్యాలు రచించినట్లు కొందరు పరిశోధకులు చెప్పిననూ వాస్తవంగా వాటిని వేమన రచించాడా లేదా అతని పేర ఇతరులు రచించారా అనేది ఖచ్చితంగా తెలియడం లేదు. ఆయన దిగంబరత్వానికి ప్రాధాన్యం ఇచ్చినట్లు పద్యాల ద్వారా తెలుస్తున్నది. ఆయన చిత్రాలు, విగ్రహాలు కూడా దిగంబరంగానే ఉన్నాయి. ఎన్టీరామారావు ముఖ్యమంత్రిగా ఉన్నప్పుడు హుస్సేన్ సాగర్ వద్ద ట్యాంక్‌బండ్‌పై ప్రతిష్టించిన ప్రముఖ తెలుగువారి విగ్రహాలలో వేమన విగ్రహానికి కూడా చోటు దక్కింది. విభాగాలు: తెలుగు కవులు,   = = = = =