అఘోరనాథ్ చటోపాధ్యాయ (Aghore Nath Chattopadhyay)

అఘోరనాథ్ చటోపాధ్యాయ అఘోరనాథ్ చటోపాధ్యాయ ఇప్పటి బంగ్లాదేశ్‌లోని బ్రహ్మపురలో జన్మించారు. 1877లో ఈడెన్‌బర్గ్ విశ్వవిద్యాలయం నుంచి డాక్టర్ ఆఫ్ సైన్స్ పట్టా పొంది ఈ ఘనత సాధించిన తొలి భారతీయుడిగా నిలిచారు. ఈయన నైపుణ్యాన్ని గురించి విన్న నిజాం నవాబు హైదరాబాదుకు రప్పించి తన సంస్థానంలో విద్యాభివృద్ధికై అఘోరనాథ్ సేవలను వాడుకున్నారు. ఈయన స్థాపించిన ఆంగ పాఠశాల క్రమంగా నిజాంకాలేజిగా మారింది. ఈ కళాశాలకు ఈయనే తొలి ప్రిన్సిపాల్‌గా వ్యవహరించారు. తన భార్యతో కలిసి నాంపల్లిలో బాలికా పాఠశాలను కూడా నెలకొల్పారు. ఇదే తర్వాతి కాలంలో ఉస్మానియా మహిళా కళాశాలగా మారింది. 1885లో బొంబాయిలో జరిగిన అఖిల భారత కాంగ్రెస్ కమిటి తొలిసమావేశంలో హైదరాబాదు నుంచి పాల్గొన్న అతికొద్ది వారిలో ఈయన ఒక్కరు. ఇంగ్లాండు నుంచి రుణాలు పొందాలనే పథకానికి ఈయన వ్యతిరేకించడంతో బ్రిటీష్ ప్రభుత్వం రాష్ట్ర బహిష్కరణ చేయడంతో ఆరేళ్ళు కలకత్తాలో ప్రవాసజీవనం గడిపారు. కుటుంబం: ఈయన కూతురు సరోజినీనాయుడు కవియిత్రి, సమరయోధురాలు మరియు రాజకీయ నాయకురాలు. గవర్నరుగానూ పనిచేశారు. కుమారుడు హరీంద్రనాథ్ రాజకీయ నాయకుడు, మరో కుమారుడు వీరేంద్రనాథ్ చటోపాధ్యాయ బ్రిటీష్ వారికి వ్యతిరేకంగా పోరాడారు. విభాగాలు: విద్యావేత్తలు,  = = = = =