పన్నీర్‌సెల్వం (Panneerselvam)

పన్నీర్‌సెల్వం జననం 1951 జనవరి రాష్ట్రం తమిళనాడు పార్టీ ఏఐఏడిఎంకే పదవులు 2 సార్లు ముఖ్యమంత్రి, తమిళనాడుకు చెందిన రాజకీయ నాయకుడైన ఈ. పన్నీర్‌సెల్వం 1951 జనవరిలో జన్మించారు. ఏఐఏడిఎంకే పార్టీకి చెందిన పన్నీర్‌సెల్వం జయలలిత కేబినెట్‌లో ఆర్థిక మంత్రిగా పనిచేయడమే కాకుండా 2001లో జయలలిత జైలుకు వెళ్ళినప్పుడు తమిళనాడు ముఖ్యమంత్రిగా బాధ్యతలు చేపట్టారు. 2014 సెప్టెంబరులో జయలలిత అక్రమాస్తుల కేసులో జైలుకు వెళ్ళడంతో మరోసారి పన్నీర్‌సెల్వం ముఖ్యమంత్రి అయ్యారు. రాజకీయ ప్రస్థానం: 1996లో పెరియకులం పురపాలక సంఘం చైర్మెన్‌గా రాజకీయ ప్రస్థానం ఆరంభించిన పన్నీర్ సెల్వం 2001 తమిళనాడు శాసనసభ ఎన్నికలలో విజయం సాధించి మంత్రిపదవి కూడా పొందారు. అదే ఏడాది జయలలితను సుప్రీంకోర్టు అభిశంసించడంతో ఈయన ముఖ్యమంత్రి అయి 5 మాసాలు పదవిలో ఉన్నారు. ఆ తర్వాత మళ్ళీ జయలలియ కేబినేట్‌లో పనిచేశారు. 2014 సెప్టెంబరులో బెంగుళూరు ప్రత్యేక కోర్టు జయలలితను అక్రమాస్తుల కేసులో దోషిగా తీర్పు ఇవ్వడంతో పన్నీర్‌సెల్వం రెండో సారి ముఖ్యమంత్రి అయ్యారు.  విభాగాలు: భారతదేశ రాజకీయ నాయకులు, తమిళనాడు ముఖ్యమంత్రులు, ఏఐఏడిఎంకే, 1951లో జన్మించినవారు,  = = = = =