జె.వి.నర్సింగరావు (J.V.Narsing Rao)

జె.వి.నర్సింగరావు జననం అక్టోబరు 14, 1914 స్వస్థలం ధర్మారావుపేట రంగం విమోచనోద్యమం, రాజకీయాలు, మరణం సెప్టెంబరు 1, 1972 మంచిర్యాల జిల్లాకు చెందిన ప్రముఖ విమోచనోద్యమకారుడు మరియు రాజకీయ నాయకుడైన జోగినపల్లి వెంకట నరసింగరావు అక్టోబరు 14, 1914న దండేపల్లి మండలం ధర్మారావుపేటలో జన్మించారు. 1947-48 కాలంలో నిజాంకు వ్యతిరేకంగా విమోచనోద్యమంలో పాల్గొన్నారు. హైదరాబాదు సంస్థానం భారత యూనియన్‌లో విలీనం తర్వాత 1952లో జరిగిన ఎన్నికలలో ఆదిలాబాదు లోకసభ నియోజకవర్గం నుంచి పోటీచేసి ఓడిపోయారు. 1955లో రాష్ట్ర కాంగ్రెస్ పార్టీ అధ్యక్షులైనారు. ఆంధ్ర-తెలంగాణ విలీనం సందర్భంలో జరిగిన పెద్దమనుషులు ఒప్పందంపై సంతకాలు పెట్టిన తెలంగాణ ప్రముఖులలో ఈయన ఒకరు. 1963-66 కాలంలో రాష్ట్ర విద్యుత్ బోర్డు చైర్మెన్‌గా పనిచేశారు. 1962లో హైదరాబాదు నుంచి, 1967లో లక్సెట్టిపేట అసెంబ్లీ నియోజకవర్గం నుంచి ఎన్నికయ్యారు. రెండవసారి ఎన్నికైన పిరప కాసుబ్రహ్మానందరెడ్డి ముఖ్యమంత్రి కాలంలో ఈయన్ ఉపముఖ్యమంత్రిగా సేవలందించారు. సెప్టెంబరు 1, 1972న నర్సింగరావు మరణించారు. ఇవి కూడా చూడండి: దండేపల్లి మండలం, ఆదిలాబాదు లోక్‌సభ నియోజకవర్గం, హోం, విభాగాలు: మంచిర్యాల జిల్లా ప్రముఖులు, 3వ శాసనసభ సభ్యులు, 4వ శాసనసభ సభ్యులు,  = = = = =