కస్తూరి కృష్ణమాచార్యులు (Kasturi Krshnamacharyulu)

కస్తూరి కృష్ణమాచార్యులు జననం అక్టోబరు 10,1920 స్వగ్రామం చౌటుకూరు (మెదక్ జిల్లా) రంగం విమోచనోద్యమం, రాజకీయాలు పదవులు 2 సార్లు ఎమ్మెల్యే కస్తూరి కృష్ణమాచార్యులు తెలంగాణకు చెందిన ప్రముఖ స్వాతంత్ర్య సమరయోధుడు, విమోచనోద్యమకారుడు, రచయిత మరియు రాజకీయ నాయకుడు. ఈయన అక్టోబరు 10,1920న మెదక్ జిల్లా చౌటుకూరు గ్రామంలో జన్మించారు. 1938లో విద్యార్థి దశలోనే వందేమాతరం ఉద్యమంలో పాల్గొన్నారు. న్యాయశాస్త్ర పట్టా పొందిన కృష్ణమాచార్యులు న్యాయవాద వృత్తిని చేపట్టి 1947-48లో నిజాం నిరంకుశ పాలనకు వ్యతిరేకంగా జరిగిన విమోచనోద్యమంలో కూడా చురుకుగా పాల్గొన్నారు.  ఉద్యమ సమయంలో మెదక్ జిల్లా కాంగ్రెస్ పార్టీ ఉపాధ్యక్షులుగా వ్యవహరించారు హైదరాబాదు రాజ్య విమోచన అనంతరం రాజకీయాలలో ప్రవేశించి మెదక్ జిల్లా కాంగ్రెస్ పార్టీ అధ్యక్షులుగా పనిచేశారు. 1952లో రాజగోపాలపేట అసెంబ్లీ నియోజకవర్గం నుంచి హైదరాబాదు రాష్ట్ర శాసనసభకు, 1957లో సంగారెడ్డి అసెంబ్లీ నియోజకవర్గం నుంచి ఉమ్మడి ఆంధ్రప్రదేశ్ రాష్ట్ర శాసనసభకు ఎన్నికైనారు. ఈయన సంగారెడ్డిలోని మంజీర కళానికేతానికి అధ్యక్షులుగా పనిచేశారు. రచయితగా పేరుపొందిన కృష్ణమాచార్యులు "స్వాతంత్ర్యదీక్ష" గ్రంథాన్ని రచించారు. విభాగాలు: మెదక్ జిల్లా రాజకీయ నాయకులు, మెదక్ జిల్లా సమరయోధులు, మెదక్ జిల్లా రచయితలు, 1920లో జన్మించినవారు, సంగారెడ్డి అసెంబ్లీ నియోజకవర్గం,  = = = = =