రాజ్‌కపూర్ (Raj Kapoor)

రాజ్‌కపూర్ జననం 14 డిసెంబరు, 1924 జన్మస్థానం పెషావర్ రంగం సినీనటుడు అవార్డులు దాదాసాహెబ్ ఫాల్కే అవార్డు (1987), పద్మభూషణ్ (1971) మరణం జూన్ 2, 1988 హిందీ చలనచిత్ర పరిశ్రమలో "ది షో-మాన్"గా ప్రసిద్ధిచెందిన ప్రముఖ నటుడు రాజ్ కపూర్ 14 డిసెంబరు, 1924 న పెషావర్‌లో జన్మించారు. ఇతను తొమ్మిది ఫిల్మ్‌ఫేర్ అవార్డులు, రెండు జాతీయ ఫిలిం అవార్డులు పొందారు. ఇతని చిత్రాలు ఆవారా (1951) మరియు బూట్ పోలిష్ (1954) అనేవి కేన్స్ చలనచిత్రోత్సవంలో పాల్మే డి ఓర్ కొరకు నామినేట్ అయ్యాయి. భారతీయ చలనచిత్ర రంగానికి రాజ్‌కపూర్ చేసిన సేవలకుగాను భారత ప్రభుత్వం 1971లో పద్మ భూషణ్ అవార్డు ఇచ్చి సత్కరించింది. 1987లో భారత చలనచిత్ర రంగంలో అత్యుత్తమమైన దాదాసాహెబ్ ఫాల్కే అవార్డు లభించింది. జూన్ 2, 1988న రాజ్‌కపూర్ మరణించారు. వివాహం, బంధుత్వం: రాజ్‌కపూర్ కృష్ణ కపూర్‍ను వివాహం చేసుకున్నారు. కపూర్ ప్రసిద్ధ నటి నర్గీస్‍తో 1950లలో సుదీర్ఘ ప్రేమాయణం సైతం నడిపారు. కపూర్ యొక్క మనవళ్ళు/మనవరాళ్ళలో ముగ్గురు ప్రస్తుతం బాలీవుడ్ చలనచిత్ర పరిశ్రమలో ప్రముఖులు. అతడి మనవరాళ్ళు కరిష్మా కపూర్ మరియు కరీనా కపూర్, రాజ్ కుమారుడైన రణ్‍ధీర్ కపూర్ మరియు అతడి భార్య బబితల కుమార్తెలు. అతడి మనవడు రణ్‍బీర్‍ కపూర్, రిషి కపూర్ మరియు అతడి భార్య నీతూ సింగ్‍ల కుమారుడు. విభాగాలు: భారతదేశ చలనచిత్ర ప్రముఖులు, దాదాసాహెబ్ ఫాల్కే అవార్డు గ్రహీతలు, 1924లో జన్మించినవారు, 1988లో మరణించినవారు,  = = = = =