రిషికపూర్ (Rishi Kapoor)

జననం సెప్టెంబరు 4, 1952 రంగం సినీనటుడు గుర్తింపులు ఫిలింఫేర్ అవార్డు మరణం ఏప్రిల్ 30, 2020 సినీనటుడిగా, దర్శకుడిగా, నిర్మాతగా ప్రసిద్ధి చెందిన రిషికపూర్ సెప్టెంబరు 4, 1952న ముంబాయిలో జన్మించారు. తాత పృథ్వీరాజ్ కపూర్ తొలితరం సినీప్రముఖుడు కాగా తండ్రి రాజ్‌కపూర్ కూడా ప్రముఖ నటుడు, దర్శకుడుగా పేరుపొందారు. కుమారుడు రణబీర్ కపూర్, సోదరుడు రణధీర్ కపుర్‌లు కూడా సినీనటులుగా పేరుపొందారు, భార్య నీతూసింగ్ కూడా సినీనటి. ఈమెతో 15 సినిమాలలో కలిసి నటించి 1980లో వివాహం చేసుకున్నాడు. తొలిసారిగా 1970లో మేరా నామ్‌ జోకర్ సినిమాలో బాలనటుడిగా సినీప్రవేశం చేసిన రిషికపూర్ ఆరంగేట్ర సినిమాలోనే ఉత్తమ బాలనటుడిగా జాతీయ ఫిలింఫేర్ అవార్డు పొందాడు. 1973లో డింపుల్ కపాడియాతో జతగా నటించిన బాబీ సినిమా ఈయన హీరోగా నటించిన తొలి సినిమా. 1974లో బాబీలో నటనకుగాను ఉత్తమ నటుడిగా ఫిలింఫేర్ అవార్డు పొందారు. 1973 నుంచి తన సినీ జీవితంలో 92 సినిమాలలో నటించారు. ఇందులో 51 సినిమాలలో హీరోగా నటించగా అందులో బాబీ, లైలామజ్నూ, సర్గమ్‌, నగీనా, బోల్ రాధా బోల్, దీవానా, చాందినీ సినిమాలు ఈయనకు మంచి పేరుతెచ్చిపెట్టాయి. 2008లో ఫిలింఫేర్ లైఫ్ టైమ్‌ అచీవ్‌మెంట్ అవార్డు పొందిన రిషికపూర్ వాస్తవాలను నిర్భయంగా బయటపెట్టేవారు. 2017లో ఖుల్లంకుల్ల పేరుతో ఆత్మకథను విడుదల చేశారు. ఏప్రిల్ 30, 2020న ముంబాయిలో మరణించారు. ఇవి కూడా చూడండి: రిషికపూర్ జీవితచరిత్ర - 15 ముఖ్యమైన పాయింట్లు (యూట్యూబ్ వీడియో), పృథ్వీరాజ్ కపూర్, రాజ్ కపుర్, శశికపుర్, నీతూసింగ్, రణ్‌బీర్ కపూర్, హోం విభాగాలు: సినీనటులు, ముంబాయి, మహారాష్ట్ర ప్రముఖులు,,   = = = = =