పాలమూరు ఎత్తిపోతల పథకం (Palamuru Ettipothala Scheme)

పాలమూరు ఎత్తిపోతల పథకం రాష్ట్రం తెలంగాణ లబ్ది పొందే జిల్లాలు మహబూబ్‌నగర్, రంగారెడ్డి, నల్గొండ తెలంగాణలోని 3 జిల్లాలలో లక్షల ఎకరాలకు సాగునీరు అందించడానికి రూపొందించిన ప్రణాళికే ఆలమూరు ఎత్తుపోతల పథకం. 70 శతకోటి ఘనపుటడుగుల (టీఎంసి) నీటిని కృష్ణా జలాలను జూరాల బ్యాక్‌వాటర్ నుంచి మళ్ళించడమే ఈ పథకం ఉద్దేశ్యం. ఈ పథకం మూడు దశలలో కొనసాగుతుంది. మొదటిదశలో భాగంగా జూరాల బ్యాక్ వాటర్ నుంచి 5 కిలోమీటర్ల దూరం కాలువ త్రవ్వుతారు. దీనిసామర్థ్యం 26 వేల క్యూసెక్కులు. తర్వాత 23 కిమీ దూరం రెండు సొరంగమార్గాలు త్రవ్వుతారు. కోయిల్‌సాగర్ ఎగువభాగంలో కోయిలకొండ వద్ద భారీ రిజర్వాయర్ నిర్మిస్తారు. దీనిసామర్థ్యం 76 టీఎంసీలు. ఈ రిజర్వాయర్ నిర్మాణం వల్ల 22 గ్రామాలు ముంపునకు గురవుతాయి. రిజర్వాయర్ నుంచి 170 మీటర్ల ఎత్తుకు నీటిని తీసుకెళ్ళి 1.75 లక్షల ఆయకట్టుకు సాగునీరు అందిస్తారు. రెండోదశలో భాగంగా రంగారెడ్డి జిల్లాలో ఒక రిజర్వాయర్, రంగారెడ్డి-మహబూబ్‌నగర్ జిల్లాల సరిహద్దులో మరో రిజర్వాయర్ నిర్మిస్తారు. రెండో రిజర్వార్‌కు 465 మీటర్ల ఎత్తుకు, మూడో రిజర్వాయర్‌కు 675 మీటర్ల ఎత్తుకు నీటిని తీసుకెళతారు. ఈ పథకం వల్ల మహబూబ్‌నగర్, రంగారెడ్డి, నల్గొండ జిల్లాలలోని 18 అసెంబ్లీ నియోజకవర్గాలు, 56 మండలాలలోని ఆయకట్టుకు నీరందుతుంది. విభాగాలు: తెలంగాణ నీటి పథకాలు, మహబూబ్‌నగర్ జిల్లా, రంగారెడ్డి జిల్లా, నల్గొండ జిల్లా,  = = = = =