వాసిరెడ్డి వెంకటాద్రినాయుడు (Vasireddy Venkatadri Nayudu)

వాసిరెడ్డి వెంకటాద్రినాయుడు (1761-1817) సంస్థానం అమరావతి అమరావతి సంస్థాన పాలకుడిగా పనిచేసిన వాసిరెడ్డి వెంకటాద్రినాయుడు ఏప్రిల్ 20, 1761న జన్మించాడు. 22వ ఏటనే చింతపల్లి, నందిగామ పరగణాలకు పాలకుడై చింతపల్లి నుంచి వ్యవహారాలు నడిపి 1796లో సంస్థాన రాజధానిని అమరావతికి మార్చాడు. ఈయన గోల్కొండ సుల్తాన్ నుంచి మన్నెసుల్తాన్ బిరుదును పొందాడు. బేతవోలు గ్రామాన్ని తన తండ్రిపేరిట జగ్గయ్య పేటగా మార్చగా తల్లిగారిపేరిట అచ్చంపేట, తన పేరిట రాజుపేట, నాయనిపేట గ్రామాలు నిర్మిపజేశాడు. ఆగస్టు 17, 1817న వెంకటాద్రినాయుడు మరణించాడు. ఈయన తర్వాత జగన్నాథబాబు అమరావతి పాలకుడైనాడు. వెంకటాద్రినాయుడు 108 దేవాలయాలకు ధ్వజస్తంభాలు నిర్మింపజేశాడు. అనేక ఆలయాలకు భూములు ఇచ్చాడు. ఈయన విగ్రహం పొన్నూరు లోని భావనారాయణస్వామి ఆలయంలో ప్రతిష్టించబడింది. విభాగాలు: అమరావతి, గుంటూరు జిల్లా ప్రముఖులు, 1761లో జన్మించినవారు, 1817లో మరణించినవారు,  = = = = =