గడ్డం ప్రసాద్ కుమార్ (Gaddam Prasad Kumar)

గడ్డం ప్రసాద్ కుమార్ జననం జూన్ 4, 1964 స్వస్థలం మర్పల్లి పదవులు రాష్ట్రమంత్రి, గడ్డం ప్రసాద్ కుమార్ 1964 జూన్ 4న తాండూరులో జన్మించారు. ఈయన స్వగ్రామం మర్పల్లి. హైస్కూలు విద్య తాండూరులోని విలియం మూన్, ఇంటర్ ప్రభుత్వ జూనియర్ కళాశాలో జరిగింది. డిగ్రీ మధ్యలో ఆగిపోయింది. 1984-85లో NSUI విధ్యార్థి విభాగం అధ్యక్షుడైనారు. 1992లో జిల్లా యూత్ కాంగ్రెస్ ప్రధాన కార్యదర్శి, 1998లో యూత్ కాంగ్రెస్ మండల అధ్యక్షపదవి పొందారు. 2002లో పార్టీ జిల్లా  ప్రధాన కార్యదర్శి, 2003లో పార్టీ జిల్లా కో-చైర్మెన్ అయ్యారు. 2001-6 కాలంలో మర్పల్లి ఎంపీపీగా, 2008లో వికారాబాదు అసెంబ్లీ నియోజకవర్గం నుంచి ఉప ఎన్నికలలో కాంగ్రెస్ పార్టీ తరఫున ఉమ్మడి ఆంధ్రప్రదేశ్ శాసనసభకు విజయం సాధించారు. 2009లో మళ్ళీ అదేస్థానం నుంచి రెండవసారి ఎమ్మెల్యే అయ్యారు. శాసనసభలో ఎస్సీ సంక్షేమ కమిటి చైర్మెన్‌గా పనిచేశారు. 2012 ఫిబ్రవరి 6న కిరణ్ కుమార్ రెడ్డి మంత్రివర్గంలో చోటు లభించింది. 2014 ఎన్నికలలో కాంగ్రెస్ పార్టీ తరఫున పోటీచేసి తెరాస అభ్యర్థి సంజీవరావు చేతిలో ఓడిపోయారు. కుటుంబం: ప్రసాద్ కుమార్ చిన్న వయస్సులో  ఉన్నప్పుడే తండ్రి మరణించారు. తల్లి ఎల్లమ్మ 1982లో కాంగ్రెస్ పార్టీ అభ్యర్థిగా తాండూరు మున్సీపాలిటీ కౌన్సిలర్‌గా పోటీచేసి ఓడీపోయారు. కాంగ్రెస్ సీనియర్ నేత గడ్డం వెంకటస్వామి (కాకా)కి ఇతను మేనల్లుడు. విభాగాలు: రంగారెడ్డి జిల్లా రాజకీయ నాయకులు, వికారాబాదు అసెంబ్లీ నియోజకవర్గం, 13వ శాసనసభ సభ్యులు,  = = = = =