ఇండియన్ ప్రీమియర్ లీగ్ 2015 (Indian Premier League 2015)

ఇండియన్ ప్రీమియర్ లీగ్ 2015 నిర్వహణ కాలం ఏప్రిల్ 8 - మే 24 విజేత ముంబాయి ఇండియన్స్ ఇండియన్ ప్రీమియర్ లీగ్ టోర్నీ పరంపరలో 8వ దైన ఐపీఎల్ 2015 ఏప్రిల్ 8, 2015న ప్రారంభమైంది. 8 జట్ల మధ్యన నెలన్నర రోజులకు పైగా 60 మ్యాచ్‌ల ద్వారా కొనసాగిన ఈ టోర్నీలో గ్రూప్ దశలో చెన్నై సూపర్ కింగ్స్ అగ్రస్థానంలో ఉండగా, మే 24న జరిగిన ఫైనల్లో ముంబాయి ఇండియన్స్ 41 పరుగుల తేడాతో చెన్నై సూపర్ కింగ్స్‌ పై విజయం సాధించి రెండో సారి ఐపీఎల్ టోర్నీని గెలుచుకుంది. గ్రూప్ దశ: గ్రూప్ దశకై 12 నగరాలలో 8 జట్ల మధ్యన జరిగిన పోటీలలో ఒక్కో జట్టు 14 మ్యాచ్‌లు ఆడగా చెన్నై సూపర్ కింగ్స్ 18 పాయింట్లతో అగ్రస్థానంలో నిలిచింది. ముంబాయి ఇండియన్స్, రాయల్ ఛాలెంజర్స్ బెంగళూరు, రాజస్థాన్ రాయల్స్ జట్లు చెరో 16 పాయింట్లతో మూందుకు వెళ్ళాయి. కోల్‌కత నైట్ రైడర్స్ 5వ స్థానంలోనూ, సన్‌రైజర్స్ హైదరాబాదు 6వ స్థానంలోనూ, ఢిల్లీ డేర్ డెవిల్స్ 7వ స్థానంలోనూ, కింగ్స్ ఎలెవన్ పంజాన్ చివరిస్థానంలో నిలిచి టోర్నీ నుంచి నిష్క్రమించాయి. ప్లేఆఫ్ దశ: గ్రూప్ దశలో తొలి రెండు స్థానాలలో నిల్చిన జట్ల మధ్యన (చెన్నై సూపర్ కింగ్స్, ముంబాయి ఇండియన్స్) మే 19న జరిగిన మొదయి క్వాలిఫయర్ మ్యాచ్‌లో ముంబాయి ఇండియన్స్ గెలిచి సరాసరిగా ఫైనల్స్ కు చేరింది. గ్రూప్ దశలో 3,4 స్థానాలలో నిల్చిన రాయల్ ఛాలెంజర్స్ బెంగళూరు, రాజస్థాన్ రాయల్స్ మధ్యన జరిగిన మే 20 నాటి ఎలిమినేటర్ మ్యాచ్‌లో రాయల్ ఛాలెంజర్స్ బెంగళూరు విజయం సాధించింది. మొదటి క్వాలిఫైయర్‌లో ఓటమి చెందిన జట్టుకు, ఎలిమినేటర్ మ్యాచ్‌లో గెలిచిన జట్టుకు మధ్యన జరిగిన మే 22 నాటి రెండో క్వాలిఫైయర్ మ్యాచ్‌లో చెన్నై సూపర్ కింగ్స్ విజయం సాధించి ఫైనల్స్ చేరింది. ఫైనల్ మ్యాచ్: మే 24న జరిగిన ఫైనల్ మ్యాచ్‌ ముంబాయి ఇండియన్స్ మరియు చెన్నై సూపర్ కింగ్స్ మధ్యన జరిగింది. చెన్నై సూపర్ టాస్ గెలిచి ఫీల్డింగ్ ఎన్నుకుంది. మొదట బ్యాటింగ్ చేసిన ముంబాయి ఇండియన్స్ జట్టు 5 వికెట్ల నష్టానికి 202 పరుగులు చేయగా, తర్వాత బ్యాటింగ్ చేసిన చెన్నై సూపర్ కింగ్స్ జట్టు 8 వికెట్ల నష్టానికి 161 పరుగులు మాత్రమే చేయగలిగింది. దీనితో ముంబాయి ఇండియన్స్ 41 పరుగులతో ఐపీఎల్-8 విజేతగా నిల్చి రెండో సారి ఐపీఎల్ టోర్ని సాధించింది.   IPL-2015 జనరల్ నాలెడ్జి ఐపీఎల్-2015 రికార్డులు: ఐపీఎల్-2015లో అత్యధిక పరుగులు చేసిన బ్యాట్స్‌మెన్ (ఆరెంజ్ క్యాప్) -- డేవిడ్ వార్నర్. ఐపీఎల్-2015లో అత్యధిక వికెట్లు తీసిన బౌలర్ (పర్పుల్ క్యాప్) -- బ్రేవో. ఐపీఎల్-2015లో టోర్నీ చరిత్రలోనే అత్యధిక భాగస్వామ్య రికార్డు నెలకొల్పిన జోడి-- విరాట్ కోహ్లి + డివిలియర్స్. ముంబాయి ఇండియన్స్ ఐపీఎల్ ను గెలవడం ఇది రెండోసారి. విభాగాలు: ఐపీఎల్, క్రికెట్, 2015,  = = = = =