దామరచర్ల మండలం (Damarcharla Mandal)

జిల్లా నల్గొండ జిల్లా అసెంబ్లీ నియో. మిర్యాలగూడ అ/ని, లోకసభ నియో. నల్గొండ లో/ని, జనాభా 61576 (2001), 66915 (2011) దామరచర్ల నల్గొండ జిల్లాకు చెందిన మండలము. కృష్ణా, మూసీనదుల సంగమస్థానం వాడపల్లి ఈ మండలంలో ఉంది. ఇది మిర్యాలగూడ రెవెన్యూ డివిజన్, మిర్యాలగూడ అసెంబ్లీ నియోజకవర్గం, నల్గొండ లోకసభ నియోజకవర్గంలో భాగము. మండలంలో 18 రెవెన్యూ గ్రామాలు, 24 గ్రామపంచాయతీలు కలవు. మండల పరిధిలో పెన్నా సిమెంట్ కర్మాగారం, ఇండియా సిమెంట్స్ కర్మాగారం ఉన్నాయి. నక్రేకల్ గుంటూరు రహదారి, బీబీనగర్ నడికూడి రైలుమార్గం మండలం మీదుగా వెళ్ళుచున్నాయి. భౌగోళికం, సరిహద్దులు: ఈ మండలం నల్గొండ జిల్లాలో ఆగ్నేయ సరిహద్దులో కృష్ణానది మరియు మూసీనది తీరాన ఉంది. తూర్పున సూర్యాపేట జిల్లా, ఉత్తరాన మిర్యాలగూడ మండలం, పశ్చిమాన అడవిదేవులపల్లి మండలం, వాయువ్యాన త్రిపురారం మండలం, దక్షిణాన గుంటూరు జిల్లా సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 61576, 2011 నాటికి జనాభా 5339 పెరిగి 66915 కు పెరిగింది. 2001 మరియు జిల్లాలో అత్యధిక జనాభా కల మండలాలలో 12వ స్థానంలో ఉండగా 2011 నాటికి 11వ స్థానానికి చేరింది. 2011 లెక్కల ప్రకారం మండల జనాభా 66915. ఇందులో పురుషులు 33956, మహిళలు 32959. 2011 జనాభా ప్రకారం ఈ మండలం జిల్లాలో 11వ స్థానంలో ఉంది. అధ్యాత్మికం: కృష్ణా, మూసీల సంగమస్థానమైన వాడపల్లిలో చారిత్రక ఆలయాలైన శ్రీమీనాక్షి అగస్తేశ్వర, శ్రీలక్ష్మి నరసింహస్వామి ఆలయాలున్నాయి. ఈ ఆలయాలు 12వ శతాబ్దిలో రెండో ప్రతాపరుద్రుని కాలంలో నిర్మించబడ్డాయి. రెడ్డి రాజులు వీటిని పునరుద్ధరించారు. శాతవాహనులు ఈ ప్రాంతంలో కోటలు నిర్మించారు. పురాతన కాలంలో ఇది ఓడరేవు. శాతవాహనుల కాలంలో ఓడరేవు ప్రసిద్ధి చెందినది. దీనితో ఓడపల్లిగా మారింది. అదే వాడపల్లి అయింది. దామరచర్ల గురించి గూగుల్ సెర్చ్ చేయండి రాజకీయాలు: ఈ మండలము మిర్యాలగూడ అసెంబ్లీ నియోజకవర్గం, నల్గొండ లోకసభ నియోజకవర్గంలో భాగము. విభాగాలు: నల్గొండ జిల్లా మండలాలు, మిర్యాలగూడ అసెంబ్లీ నియోజకవర్గం,,   = = = = =