బండి సంజయ్ కుమార్ (Bandi Sanjay Kumar)

బండి సంజయ్ కుమార్ జననం జూలై 11, 1971 పదవులు కరీంనగర్ ఎంపి, తెలంగాణ భాజపా అధ్యక్షుడు కరీంనగర్ జిల్లాకు చెందిన రాజకీయ నాయకుడైన బండి సంజయ్ కుమార్ జూలై 11, 1971న జన్మించారు. విద్యార్థి దశ నుంచే ఆరెస్సెస్ కార్యక్రమాలలో పాల్గొన్నారు. ఏబివిపి పట్టణ కన్వీనర్‌గా, ఉపాధ్యక్షుడిగా, రాష్ట్ర కార్యవర్గ సభ్యునిగా సేవలందించారు. 2 పర్యాయాలు కరీంనగర్ సహకార పట్టణ బ్యాంకు డైరెక్టరుగా వ్యవహరించారు. భాజపా కరీంనగర్ నగర అధ్యక్షుడిగా కూడా రెండు సార్లు పనిచేశారు. కరీంనగర్ నగరపాలక సంస్థ కార్పోరేటర్‌గా 3 సార్లు ఎన్నికయ్యారు. 3 సార్లు కూడా 48వ డివిజన్ నుంచే విజయం సాధించారు. 2014 మరియు 2019లలో కరీంనగర్ నియోజకవర్గం నుంచి భాజపా తరఫున శాసనసభకు పోటీచేసి రెండోస్థానంలో నిలిచారు. 2019 లోక్‌సభ ఎన్నికలలో కరీంనగర్ లోక్‌సభ నియోజకవర్గం నుంచి భాజపా తరఫున పోటీచేసి తెరాసకు చెందిన సిటింగ్ ఎంపి విబోద్ కుమార్‌పై సంచలన విజయం సాధించి తొలిసారి లోక్‌సభలో అడుగుపెట్టారు. 2020 మార్చిలో తెలంగాణ భాజపా అధ్యక్షులుగా బాధ్యతలు కూడా చేపట్టారు. ప్రస్తుతం తెలంగాణలో భాజపా ప్రధాన వ్యాఖ్యాతగా వ్యవహరిస్తున్నారు. ఇవి కూడా చూడండి: కరీంనగర్ అసెంబ్లీ నియోజకవర్గం, కరీంనగర్ లోక్‌సభ నియోజకవర్గం, విభాగాలు: తెలంగాణ భాజపా ప్రముఖులు, 17వ లోక్‌సభ సభ్యులు, కరీంనగర్ జిల్లా ప్రముఖులు, తెలంగాణ రాజకీయ నాయకులు, భారతీయ జనతాపార్టీ ప్రముఖులు,  = = = = =