భూటాన్ (Bhutan)

రాజధాని థింపూ ఖండం ఆసియా కరెన్సీ గుల్‌ట్రమ్‌ మారుపేరు పిడుగుల దేశం భారతదేశ సరిహద్దు దేశాలలో ఒకటైన భూటాన్ తూర్పు హిమాలయ పర్వత ప్రాంతంలో ఉంది. నలువైపులా భూభాగంచే ఆవరించబడినయున్న ఈ దేశం దక్షిణాసియాలో భాగము. దేశరాజధాని మరియు అతిపెద్ద నగరం థింపూ. దేశంలో బౌద్ధమతం ప్రాబల్యంలో ఉంది. 2008లో భూటాన్ రాజరికం నుంచి ప్రజాస్వామ్యదేశంగా మారింది (దేశాధినేత మాత్రం రాజునే). ఐక్యరాజ్యసమితి, సార్క్, అలీనదేశాల కూటమిలలో ఈ దేశ సభ్యదేశంగా ఉంది. దేశ వైశాల్యం 38,394 చకిమీ, జనాభా 7.2 లక్షలు. కరెన్సీ పేరు గుల్‌ట్రమ్‌. భూటానీయులు తమదేశాన్ని డ్రుక్‌యుల్‌గా పిలుస్తారు. ఈ దేశం పిడుగుల దేశంగా ప్రసిద్ధి చెందింది. భౌగోళికం, సరిహద్దులు: ఈ దేశానికి ఉత్తరాన టిబెట్టు సరిహద్దుగా ఉండగా మిగితావైపుల భారతదేశం సరిహద్దుగా ఉంది. పశ్చిమాన సిక్కిం, తూర్పున అరుణాచల్ ప్రదేశ్, అస్సాం, దక్షిణాన పశ్చిమబెంగాల్ రాష్ట్రాలు సరిహద్దులుగా ఉన్నాయి. ఈ దేశం దక్షిణాసియాలో భాగము. 7000+ మీ ఎత్తయిన గాంక్‌ఘర్ ప్యూన్‌సమ్‌ దేశంలోని ఎత్తయిన పర్వత శిఖరం. ప్రపంచంలో ఇప్పటివరకు మానవుడు అధిరోహించని ఎత్తయిన పర్వతశిఖరం-గాంక్‌ఘర్ ప్యూన్‌సమ్‌ (7000+ మీ) భూటాన్. చరిత్ర: భూటాన్‌కు వేల సంవత్సరాల చరిత్ర ఉన్ననూ ఆధారాలు లభ్యం కాలేవు. 19వ శతాబ్దిలో జరిగిన ఒక అగ్నిప్రమాదంలో ఉన్న ఆధారాలు కూడా కాలి బూడిదగా మారాయి. ఆధునికకాలంలో 1774లో భూటాన్ ఈస్టిండియా కంపెనీతో ఒప్పందం కుదుర్చుకుంది. 1910లో బ్రిటన్‌తో ఒప్పందం భూటాన్ చరిత్రను మార్చివేసింది. ఆర్థికం: భూటాన్ పర్వతప్రాంతంలో ఉండుటచే ఆర్థికంగా అభివృద్ధి చెందలేదు. ఇది అభివృద్ధి చెందని దేశంగా పరిగణించడం జరుగుతోంది. వ్యవసాయం ఇక్కడి ప్రజల ప్రధాన జీవనాధారం. దేశ ఎగుమతులలో ప్రధానమైనది జలవిద్యుచ్ఛక్తి. క్రీడలు: భూటాన్ జాతీయ క్రీడ మరియు ప్రజాదరణ పొందిన క్రీడ ఆర్చెరి. ఇటీవలి కాలంలో క్రికెట్ ప్రజాదరణ పొందుతోంది. ఇవి కూడా చూడండి: ప్రపంచదేశాలు - రాజధానులు, రాష్ట్రాలు - రాజధానులు, Home విభాగాలు: ప్రపంచ దేశాలు, భూటాన్ ,  = = = = =