రామచంద్రాపురం మండలం (Ramachandrapuram Mandal)

రామచంద్రాపురం మండలం జిల్లా సంగారెడ్డి రెవెన్యూ డివిజన్ సంగారెడ్డి అసెంబ్లీ నియోజకవర్గం పటాన్‌చెరు లోకసభ నియోజకవర్గం మెదక్ రామచంద్రాపురం సంగారెడ్డి జిల్లాకు చెందిన మండలము. సంగారెడ్డి జిల్లాలో ఇది అతి దక్షిణాన ఉన్న మండలం. గ్రేటర్ హైదరాబాదులో ఈ మండలంలోని పట్టణ ప్రాంతం భాగంగా ఉన్నది. పూనే-విజయవాడ 9వ నెంబరు జాతీయ రహదారి, హైదరాబాదు - వాడి రైలుమార్గం మండలం గుండా వెళ్ళుచున్నది. మండలంలో 9 రెవెన్యూ గ్రామాలు కలవు. తెల్లాపూర్ గ్రామంలో 15వ శతాబ్దికి చెందిన తెలంగాణపురం శాసనం లభించింది. తెలంగాణకు ఆ పేరు రావడానికి ఈ శాసనమే కారణమనే అభిప్రాయం కూడా చరిత్రకారులలో ఉంది. ఇప్పటివరకు "తెలంగాణ" పదం కనిపించిన ఆధారాలలో ఇదే పురాతనమైనది. భౌగోళికం, సరిహద్దులు: రామచంద్రాపురం మండలం సంగారెడ్డీ జిల్లాలో దక్షిణం వైపున రంగారెడ్డీ జిల్లా సరిహద్దులో ఉంది. ఈ మండలానికి ఉత్తరాన పటాన్‌చెరు మండలం, ఈశాన్యాన అమీన్‌పూర్ మండలం, మిగితావైపులా రంగారెడ్డి జిల్లా సరిహద్దుగా ఉంది. జనాభా: 2011 లెక్కల ప్రకారం మండల జనాభా 117648. ఇందులో పురుషులు 60567, మహిళలు 57081. అక్షరాస్యుల సంఖ్య 86005. పట్టణ జనాభా 107741, గ్రామీణ జనాభా 9907. స్త్రీపురుష నిష్పత్తిలో (942/వెయ్యి పురుషులకు) ఇది జిల్లాలో అత్యధిక అక్షరాస్యత శాతం కల మండలాలలో ప్రథమ స్థానంలో ఉంది. రాజకీయాలు: ఈ మండలం పటాన్‌చెరు అసెంబ్లీ నియోజకవర్గం, మెదక్ లోకసభ నియోజకవర్గంలో భాగంగా ఉన్నది. ఈ మండలం గ్రేటర్ హైదరాబాదులో భాగము. 2013లో తెల్లాపూర్ సర్పించిగా ఎన్నికైన సోమిరెడ్డి తెలంగాణ రాష్ట్ర సర్పించిన సంఘం అధ్యక్షుడిగా ఎన్నికయ్యారు. రామచంద్రాపురం మండలం  కై బ్లాగులో గూగుల్ సెర్చ్ చేయండి మండలంలోని రెవెన్యూ గ్రామాలు: Bandalguda, Edulnagulapally, Kachireddipally, Kollur, Manmole (DP), Osman Nagar, Ramachandrapuram, Tellapur, Velmala ప్రముఖ గ్రామాలు / పట్టణాలు నాగులపల్లి (Nagulapalli): నాగులపల్లి సంగారెడ్డి జిల్లా రామచంద్రాపురం మండలమునకు చెందిన గ్రామము. హైదరాబాదు-వాడి రైలుమార్గంపై నాగులపల్లి వద్ద రైల్వేస్టేషన్ ఉంది. ఇక్కడ రైల్వే టర్మినల్ నిర్మించడానికి సన్నాహాలు జరుగుతున్నాయి. తెల్లాపూర్ (Tellapur): తెల్లాపూర్ సంగారెడ్డి జిల్లా రామచంద్రాపురం మండలమునకు చెందిన గ్రామము. గ్రామంలో ప్రాచీన శిలాశాసనం లభించింది. ఇది తెల్లాపూర్ శాసనంగా, తెలంగాణపురం శాసనంగా ప్రసిద్ధి చెందింది. తెలంగాణకు ఆ పేరు రావడానికి ఈ శాసనమే కారణం అనే అభిప్రాయం కూడా చరిత్రకారులలో ఉంది. 2013 జూలైలో పంచాయతి సర్పంచిగా ఎన్నికైన మల్లేపల్లి సోమిరెడ్డి తెలంగాణ రాష్ట్ర సర్పంచిల సంఘం అధ్యక్షుడిగా ఎన్నికయ్యారు. ఇవి కూడా చూడండి: ఫోటో గ్యాలరీ c c c c హోం విభాగాలు: సంగారెడ్డి జిల్లా మండలాలు,  రామచంద్రాపురం మండలము, = = = = = సంప్రదించిన పుస్తకాలు, వెబ్‌సైట్లు: Handbook of Statistics, Medak Dist, 2016, Handbook of Census Statistics, Medak District, 2011, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 239 తేది: 11-10-2016  మెదక్ జిల్లా స్వాతంత్ర్యసమరయోధుల చరిత్ర  సంగారెడ్డి జిల్లా అధికారిక వెబ్‌సైట్ (https://sangareddy.telangana.gov.in/te/)

About Ramachandrapuram Mandal Sangareddy Dist (district) Mandal in telugu, Sanga Reddy Dist Mandals in telugu,