హరీష్ చంద్ర హెడా (Harish Chandra Heda)

హరీష్ చంద్ర హెడా జననం అక్టోబరు 14, 1912 రంగం విమోచనోద్యమ నాయకుడు పదవులు 3 సార్లు ఎంపి, నియోజకవర్గం నిజామాబాదు మరణం ఆగస్టు 28, 2002 స్వాతంత్ర్య సమరయోధుడిగా (హైదరాబాదు విమోచనోద్యమ నాయకుడిగా), గాంధేయవాదిగా, రాజకీయ నాయకుడిగా పేరుపొందిన హరీష్ చంద్ర హెడా మహారాష్ట్రలోని ఉస్మానాబాదు జిల్లా శిరధోన్‌లో (అప్పటి హైదరాబాదు రాజ్యం) అక్టోబరు 14, 1912న జన్మించారు. భారత జాతీయ కాంగ్రెసు పార్టీకి చెందిన హెచ్.సి.హెడా మూడు పర్యాయాలు నిజామాబాదు నియోజకవర్గం నుండి లోక్‍సభకు ఎన్నికై 1952 నుండి 1967 వరకు ప్రాతినిధ్యం వహించారు. న్యాయవాద పట్టా పొందిన హెడా ప్రారంభంలో న్యాయవాదిగా ప్రాక్టీసు చేశాడు. 1938లో హైదరాబాదు రాష్ట్ర కాంగ్రేసు మరియు ఆర్య సమాజం ఏర్పాటు చేసిన సత్యాగ్రహంలో పాల్గొన్నారు. క్విట్ ఇండియా ఉద్యమకాలంలోనూ హైదరాబాదు విమోచనోద్యమంలోనూ పాల్గొని జైలుకెళ్ళారు. జవహర్‌లాల్ నెహ్రూ, సర్దార్ వల్లభాయి పటేల్ల సన్నిహిత సహచరుడైన హెడా 1949లో తాత్కాలిక పార్లమెంటుకు, ఆ తర్వాత భారత రాజ్యాంగాన్ని తయారు చేయడానికి ఏర్పడిన రాజ్యాంగసభకు ఎన్నికైనారు. 1952లో జరిగిన తొలి సార్వత్రిక ఎన్నికలలో నిజామాబాదు లోక్‍సభ నియోజకవర్గం నుండి సోషలిస్టు అభ్యర్థి అయిన కాశీనాథరావు ముకాల్పర్‌ను ఓడించారు. ఆ తరువాత 1957లోనూ, 1962లోనూ స్థానిక అభ్యుర్ధులైన జి.రాజారాం మరియు ఎం.నారాయణ రెడ్డిలను ఓడించి తిరిగి లోక్‍సభకు ఎన్నికయ్యారు. అయితే 1967 ఎన్నికలలో ఎం.నారాయణ రెడ్డి చేతిలో ఓడిపోయారు. హెడా మార్క్సిజం, గాంధేయవాదంపై అనేక వ్యాసాలు వ్రాశారు. గాంధీజీస్ నౌఖాలీ పద్ యాత్ర (1946), ఆన్ ద హైసీస్ (1958) మరియు ఎన్నికలు ఇన్ బ్రిటన్ (1960) అనే మూడు పుస్తకాలను ప్రచురించారు. ఈయన ఆగస్టు 28, 2002న తొంభై ఏళ్ల వయసులో హైదరాబాదులో మరణించారు. ఈయన సతీమణి గ్యాన్ కుమారీ హెడా కూడా ప్రముఖ స్వాతంత్ర్య సమరయోధురాలు, సర్వోదయ ఉద్యమ నాయకురాలు, గాంధీ స్మృతి అధ్యక్షురాలు. ఇవి కూడా చూడండి: నిజామాబాదు లోక్‌సభ నియోజకవర్గం, హైదరాబాదు విమోచనోద్యమం, హోం విభాగాలు: మహారాష్ట్ర ప్రముఖులు, హైదరాబాదు విమోచనోద్య నాయకులు,  = = = = = ఆధారాలు: తెలుగు వికీపీడియా, హైదరాబాదు విమోచనోద్యమకారులు, లోక్‌సభ సభ్యుల వెబ్‌సైట్,