ఓం బిర్లా (Om Birla)

జననం నవంబరు 23, 1962 రాష్ట్రం రాజస్థాన్ పదవులు 3 సార్లు ఎమ్మెల్యే, 2 సార్లు ఎంపి, ప్రస్తుత లోక్‌సభ స్పీకరు నియోజకవర్గం కోటా (రాజస్థాన్) పార్టీ భాజపా భారతీయ జనతాపార్టీకి చెందిన ప్రముఖ రాజకీయ నాయకుడైన ఓం బిర్లా నవంబరు 23, 1962న రాజస్థాన్‌లోని కోటలో జన్మించారు. 3 సార్లు రాజస్థాన్ శాసనసభకు, 2 సార్లు లోక్‌సభకు ఎన్నికైన ఓంబిర్లా జాన్ 18, 2019న లోక్‌సభ స్పీకరుగా ఏకగ్రీవంగా ఎన్నికైనారు. రాజకీయ ప్రస్థానం: ఓంబిర్లా భాజపాలో అంచెలంచెలుగా పదవులు చేపట్టి లోక్‌సభ స్పీకరుగా బాధ్యతలు చేపట్టారు. ప్రారంభంలో కార్యకర్తగా సేవలందించి 1987-91 కాలంలో భాజపా జిల్లా అధ్యక్షుడిగా పనిచేశారు. ఓం బిర్లా తొలిసారిగా 2003లో రాజస్థాన్ శాసనసభకు ఎన్నికయ్యారు. ఆ తర్వాత 2008, 2013లలో కూడా ఎమ్మెల్యేగా ఎన్నికైనారు. 2003-08 కాలంలో రాజస్థాన్ పార్లమెంటరీ కార్యదర్శిగా (మంత్రితో సమానం) పనిచేశారు. 2014లో 16వ లోక్‌సభకు, 2019లో 17వ లోక్‌సభకు రాజస్థాన్ లోని కోటా నియోజకవర్గం నుంచి భాజపా తరఫున విజయం సాధించారు. జూన్ 18న 17వ లోక్‌సభ స్పీకరుగా ఓంబిర్లా ఏకగ్రీవంగా ఎన్నికైనారు. ఇవి కూడా చూడండి: లోక్‌సభ స్పీకర్ల జాబితా, భారతదేశ ప్రధాన పదవులలో ఎవరెవరు? రాజస్థాన్ ప్రముఖులు, కోటా (రాజస్థాన్) జిల్లా, హోం విభాగాలు: లోక్‌సభ స్పీకర్లు, రాజస్థాన్ ప్రముఖులు,   = = = = =

tags: Om Birla, rajasthan, Loksabha speaker, BJP