రోజా సెల్వమణి (Roja Selvamani)

జననం నవంబరు 17, 1972 రంగం సినీనటి, రాజకీయాలు, పురస్కారాలు 3 సార్లు నంది అవార్డు పదవులు 2 సార్లు ఎమ్మెల్యే ప్రముఖ సినీనటిగా, రాజకీయ నాయకురాలిగా పేరుపొందిన రోజా నవంబరు 17, 1972 న చిత్తూరు జిల్లా భాకరాపేట్ (తిరుపతి సమీపంలో) జన్మించారు. రోజా అసలుపేరు శ్రీలతారెడ్డి. తమిళ, తెలుగు, కన్నడ, మళయాల భాషలలో 150 పైగా సినిమాలలో నటించిన రోజా 3 సార్లు ఉత్తమనటిగా నంది అవార్డులు పొందారు. 1999లో తెలుగుదేశం పార్టీ ద్వారా రాజకీయాలలో ప్రవేశించి ప్రస్తుతం వైకాపా తరఫున ఎమ్మెల్యేగా ఉన్నారు. భర్త ఆర్.కె.సెల్వమణి సినీదర్శకుడీగా పేరుపొందారు. ఈటీవిలో ప్రసారమయ్యే జబర్దస్త్ కామెడి సీరియల్‌లో న్యాయనిర్ణేత (జడ్జి)గా వ్యవహరిస్తున్నారు. సినీప్రస్థానం: తెలుగు సినిమా ద్వారా సినీప్రస్థానం ప్రారంభించిన రోజా నటించిన తొలి సినిమా ప్రేమతపస్సు. 1991-2002 కాలంలో దక్షిణ భారతదేశంలోనే రోజా అగ్రగణ్య నటిగా రాణించారు. అన్నా (1994), స్వర్ణక్క (1998), శ్రీరామరాజ్యం (2011) సినిమాలలో నటనకుగాను నంది అవార్డులు పొందారు. రోజా తమిళంలో తొలిసారిగా సెల్వమణి దర్శకత్వంలోని చంబరతి సినిమాలో నటించింది. దర్శకుడు ఆర్.కె.సెల్వమణిని వివాహం చేసుకుంది. రాజకీయ ప్రస్థానం: 1999లో తెలుగుదేశం పార్టీ ద్వారా రాజకీయ రంగప్రవేశ్ం చేసిన రోజా పార్టీ మహిళా విభాగం "తెలుగు మహిళ" అధ్యక్షురాలిగా పనిచేశారు. 2004, 2009లలో తెలుగుదేశం పార్టీ తరఫున చంద్రగిరి నియోజకవర్గం నుంచి పోటీచేసి గల్లా అరుణ చేతిలో ఓడిపోయారు. ఆ తర్వాత వైకాపాలో చేరి 2014లో నగరి నియోజకవర్గం నుంచి విజయం సాధించి తొలిసారి శాసనసభలో ప్రవేశించారు. 2019లో నగరి నుంచి పోటీచేసి రెండోసారి విజయం సాధించారు. ఇవి కూడా చూడండి: ఆంధ్రప్రదేశ్ శాసనసభ్యులు (2019-24), నగరి అసెంబ్లీ నియోజకవర్గం, హోం విభాగాలు: చిత్తూరు జిల్లా ప్రముఖులు, ఆంధ్రప్రదేశ్ 15వ శాసనసభ సభ్యులు, తెలుగు సినీనటీమణులు,  = = = = =

Tags: Roja Atress, About Roja biography, Roja selvamani, Roja MLA