తెలంగాణ శకుంతల (Telangana Shakuntala)

జననం జూన్ 9, 1951 జన్మస్థానం నాగ్పూర్ రంగం సినీనటి అవార్డులు నంది అవార్డు (1980) మరణం జూన్ 14, 2014 సినీనటిగా, నాటక కథానాయికగా పేరుపొందిన తెలంగాణ శకుంతల జూన్ 9, 1951న మహారాష్ట్రలోని నాగ్పూర్‌లో జన్మించింది. ఈమె అసలు ఇంటిపేరు కడియాల. సినిమాలలో తెలంగాణ యాసతో ప్రాచుర్యం పొంది అదే ఇంటిపేరుగా మారింది. 12 సం.ల వయస్సులో ఉన్నప్పుడు కుటుంబం హైదరాబాదుకు రావడంతో ఇక్కడే స్థిరపడింది. ప్రారంభంలో తెలుగు అర్థమయ్యే స్థితిలో కూడా లేని దశ నుంచి తెలంగాణ యాసపై బలమైన పట్టు సంపాదించే స్థాయికి ఎదిగింది. దీనితో సినిమా అవకాశాలు బాగా పెరిగాయి. మొత్తం 250కి పైగా సినిమాలలో నటించిన శకుంతల జూన్ 14, 2014న మరణించింది. ఒసేయ్ రాములమ్మ, నువ్వునేను, ఒక్కడు, వీడు తదితర చిత్రాలకుగాను తెలంగాణ శకుంతల మంచిపేరు పొందింది. శకుంతల తమిళ సినిమాలలో స్వర్ణక్క పేరుతో నటించింది. 1980లో కుక్క సినిమాలో నటనకై ఉత్తమ సహాయనటిగా నంది అవార్డు పొందింది. తొలిసారిగా 1979లో గౌతంఘోష్ తీసిన మాభూమితో ప్రారంభమైన ఆమె సినీప్రస్థానం చివరి సినిమా పాండవులు పాండవులు తుమ్మెద వరకు కొనసాగింది. ఇవి కూడా చూడండి: హైదరాబాదు ప్రముఖులు, తెలుగు సినీనటులు, హోం విభాగాలు: సినీనటీమణులు, హైదరాబాదు, 2014లో మరణించిన ప్రముఖులు,  = = = = =

Tags: Biography of telangana Shakumthala, about actress in telugu