గోపాలకృష్ణ గోఖలే (Gopal Krishna Gokhale)

జననం మే 9, 1866 జన్మస్థానం కొట్లుక్‌ (మహారాష్ట్ర) రంగం సమర యోధుడు, రాజకీయ నాయకుడు మరణం ఫిబ్రవరి 19, 1915 భారత ప్రముఖ స్వాతంత్ర్య సమర యోధుడు మరియు రాజకీయ నాయకుడైన గోపాలకృష్ణ గోఖలే మే 9, 1866న మహారాష్ట్రలోని రత్నగిరి జిల్లాలోని కొట్లుక్‌లో బ్రాహ్మణ కుటుంబంలో జన్మించారు. 1884లో ఎల్ఫిన్‌స్టోన్ కళాశాల నుంచి విద్యను పూర్తి చేసి ఆంగ్లంలో నిష్ణాతుడవడమే కాకుండా పాశ్చాత్య రాజకీయాలను కూడా అవగాహన చేసుకున్నాడు. గోఖలే 1889లో భారత జాతీయ కాంగ్రెస్‌లో ప్రవేశించి చిరుకాలంలోనే 1905 వరకు మితవాదులు ప్రాబల్యం వహించిన భారత జాతీయ కాంగ్రెస్ లో ప్రముఖపాత్ర వహించాడు. 1905లో సర్వెంట్స్ ఆఫ్ ఇండియా సొసైటిని ఏర్పాటుచేశాడు. భారత జాతిపిత మహాత్మాగాంధీకి గోఖలే రాజకీయ గురువుగా పరిగణించబడతాడు. బ్రిటీష్ వారి విధానాలను తీవ్రంగా వ్యతిరేకించకున్ననూ భారతీయులలో జాతీయతాభావాన్ని పెంపొందించడానికి కృషిచేశాడు. 1902 నుంచి 1915లో మరణించే వరకు భారత శాసనమండలి సభ్యుడిగా ఉన్నాడు. ఫిబ్రవరి 19, 1915న మరణించాడు. ఇవి కూడా చూడండి: భారత స్వాతంత్ర్య సమరయోధులు, మహాత్మాగాంధీ, జవహార్‌లాల్ నెహ్రూ,  సర్వెంట్స్ ఆఫ్ ఇండియా సొసైటి, భారత జాత్య కాంగ్రెస్, రత్నగిరి జిల్లా (మహారాష్ట్ర), హోం విభాగాలు: భారత స్వాతంత్ర్య సమరయోధులు, మహారాష్ట్ర ప్రముఖులు, భారతదేశ ప్రముఖులు,  = = = = =

Tags: about Gopal Krishna Gokhale, biography of Gopal Krishna Gokhale in telugu