తెలంగాణ హైకోర్టు (Telangana High Court)

స్థానం హైదరాబాదు ప్రారంభం 1920 భవన రూపశిల్పి శంకర్‌లాల్ న్యాయమూర్తుల సంఖ్య 18+6 తెలంగాణ హైకోర్టు హైదరాబాదులో ఉంది. ఏప్రిల్ 20, 1920న ఏడవ నిజాం మీర్ ఉస్మాన్ అలీ ఖాన్ కాలంలో ప్రారంభించబడిన ఈ హైకోర్టు హైదరాబాదు హైకోర్టుగా, ఆంధ్రప్రదేశ్ హైకోర్టుగా, ఉమ్మడి రాష్ట్రాల హైకోర్టుగా వ్యవహరించబడి ప్రస్తుతం తెలంగాణ హైకొర్టుగా పిల్వబడుతోంది. 1915లో నిర్మాణం ప్రారంభించబడిన ఈ హైకోర్టు భవన రూపశిల్పి జైపుర్‌కు చెందిన శంకర్‌లాల్. శంషాబాదు కొండలలోని ఎర్రరాయితో ఇండో ఇస్లామిక్ శైలితో ఈ భవనం నిర్మించబడింది. నిజాం కాలంలో మొదటి ప్రధాన న్యాయమూర్తిగా నవాబ్ ఆలంయార్‌ జంగ్ విధులు నిర్వర్తించారు. చరిత్ర: ప్రారంభంలో హైదరాబాదు హైకోర్టు పత్తర్‌గట్టిలో ఏర్పాటుచేయబడింది. 1908నాటి హైదరాబాదు వరదలు రావడంతో లాల్‌బాగ్‌లో ఉండే అసమన్‌జా నవాబ్ నివాస గృహాంలోకి హైకోర్టు మార్చబడింది. 1912లో హైదరాబాద్‌లో కలరా వ్యాధి రావడంతో పబ్లిక్‌ గార్డెన్స్ హాల్‌కు, నాలుగు నెలల తర్వాత చెత్తబజార్‌లోని సాలార్‌జంగ్ బహద్దూర్ నివాసానికి తరలించబడింది. అక్కడ స్థలం సరిపోకపోడంతో కొంతకాలం తరువాత సైఫాబాద్‌లోని సర్తాజ్‌జంగ్ నవాబ్ ఇంటికి మార్చబడి, ప్రస్తుత భవనం నిర్మించేంతవరకు అక్కడే కొనసాగింది. హైదరాబాదు రాష్ట్రం కోసం ఏర్పాటుచేయబడిన ఈ హైకోర్టు, 1956లో రాష్ట్ర పునర్వ్యవస్థీకరణ చట్టం ప్రకారం నవంబర్ 5, 1956న ఆంధ్రప్రదేశ్ హైకోర్టుగా మార్చబడింది. జూన్ 2, 2014న ఆంధ్రప్రదేశ్ రాష్ట్ర విభజన తరువాత ఉమ్మడి హైకోర్టుగా ఉండి, 2019 జనవరి 1న పూర్తిస్థాయిలో తెలంగాణ హైకోర్టుగా మార్చబడింది. ప్రస్తుత న్యాయమూర్తుల సంఖ్య (శాశ్వత 18, తాత్కాలిక 6) 24. ఇవి కూడా చూడండి: ఆంధ్రప్రదేశ్ హైకోర్టు, భారతదేశ సుప్రీంకోర్టు, హోం విభాగాలు: హైదరాబాదు, తెలంగాణ, భారత రాజ్యాంగం,  = = = = =