శీలం శయాజీరావు (Sheelam Sayaji Rao)

శీలం శయాజీరావు జననం మే 18, 1896 పదవులు శాసనసభ స్పీకర్, లెఫ్టినెంట్ గవర్నర్ మరణం 1980 మహారాష్ట్ర రాజకీయాలలో ప్రముఖుడిగా చెలామణి అయిన శీలం శయాజీరావు తెలంగాణకు చెందిన తెలుగు వ్యక్తి. మే 18, 1896న బొంబాయిలో జన్మించిన శయాజీరావు మహారాష్ట్రలోనే స్థిరపడి తెలుగువారి కోసం కృషిచేశారు. ఆయన కుటుంబం నాందేడ్ జిల్లా (అప్పటి హైదరాబాదు రాజ్యం)కు చెందినది. జాతీయోద్యమం సమయంలో స్వాతంత్ర్యం కోసం పోరాడి జైలుకు కూడా వెళ్ళారు. 1917లో తెలుగువారికై తెలుగుమిత్ర అనే మాసపత్రికను నెలకొల్పారు. రాజకీయాలలో ప్రవేశించి 1951లోనే బొంబాయి శాసనసభకు ఎన్నికైనారు. ఉమ్మడి బొంబాయి రాష్ట్ర స్పీకరుగా కూడా పనిచేశారు. 1960లో ముంబాయి రాష్ట్ర విభజన అనంతరం ఏర్పడిన మహారాష్ట్రలో శాసనసభ తొలి స్పీకరుగా శీలం శయాజీరావు పనిచేశారు. ఆ తర్వాత పుదుచ్చేరి లెఫ్టినెంట్ గవర్నరుగా కూడా పనిచేశారు. కాంగ్రెస్ పార్టీ విభజన అనంతరం ఇందిరా కాంగ్రెస్ వైపు ఉండి ఆ పార్టీ రాష్ట్ర అధ్యక్షుడిగా వ్యవహరించారు. 1980లో మరణించిన శయాజీరావుకు గుర్తుగా ముంబాయిలోని ఒక ఫ్లైఓవర్‌కు ఆయన పేరుపెట్టబడింది. ఇవి కూడా చూడండి: మహారాష్ట్ర స్పీకర్ల జాబితా, పుదుచ్చేరి లెఫ్టినెంట్ గవర్నర్ల జాబితా, ఇతర రాష్ట్రాలలో పేరుపొందిన తెలంగాణ వ్యక్తులు, హోం విభాగాలు: మహారాష్ట్ర ప్రముఖులు, తెలంగాణ ప్రముఖులు,  = = = = =