కిరణ్ బేడి (Kiran Bedi)

జననం జూన్ 9, 1949 జన్మస్థానం అమృత్‌సర్ ప్రత్యేకత భారతదేశ తొలి మహిళా ఐపీఎస్ అధికారి పదవులు పుదుచ్చేరి లెఫ్టినెంట్ గవర్నర్ పోలీస్ అధికారిగా, క్రీడాకారిణిగా, రాజకీయ నాయకురాలిగా ప్రసిద్ధి చెందిన కిరణ్ బేడి జూన్ 9, 1949న పంజాబ్‌లోని అమృత్‌సర్‌లో జన్మించారు. చిన్నవయస్సులోనే టెన్నిస్ క్రీడాకారిణిగా గుర్తింపు పొంది 1966లో తొలిసారిగా జాతీయ జూనియర్ టెన్నిస్ టైటిల్‌ను కూడా సాధించి, ఆ తర్వాత పలు జాతీయస్థాయి టైటిళ్ళను కూడా గెలుచుకుంది. 1975లో పోలీస్ శాఖలో చేరి భారతదేశపు మొట్టమొదటి ఐ.పి.ఎస్.అధికారిగా పేరుపొందారు. 1993లో తీహార్ జైలులో ఇన్స్‌పెక్టర్ జనరల్‌గా చేరి జైలులో పలు సంస్కరణలు ప్రవేశపెట్టి పేరుపొందింది. ప్రభుత్వ సర్వీసులకుగాను 1994లో మెగ్సేసే అవార్డు పొందారు. 2015లో భాజపాలో చేరి 2016లో పుదుచ్చేరి లెఫ్టినెంట్ గవర్నరుగా నియమితులైనారు. రాజకీయాలు: 2007లో పదవికి రాజీనామా చేసి సేవా కార్యక్రమాలు చేపట్టి, 2011లో అన్నాహజారే, కేజ్రీవాల్‌లతో పాటుగా అవినీతి వ్యతిరేక ఉద్యమంలో పాల్గొన్నారు. 2015లో భారతీయ జనతాపార్టీలో చేరి ఢిల్లీ శాసనసభ ఎన్నికల సమయంలో భాజపా తరఫున ముఖ్యమంత్రి అభ్యర్థిగా రంగంలోకి దిగారు. కాని ఆ ఎన్నికలలో భాజపా ఓడిపోయింది. 2016లో పుదుచ్చేరి లెఫ్టినెంట్ గవర్నరుగా నియమితులైనారు. గుర్తింపులు: 1994లో ఆసియా నోబుల్ బహుమతిగా పరిగణించబడే రామన్ మెగ్సేసే పురస్కారం పొందగా, 2004లో ఐక్యరాజ్యసమితి మెడల్, 2005లో మదర్ థెరీసా జాతీయ స్మారక అవార్డు స్వీకరించారు. ఇవి కాకుండా పలు ఇతర అవార్డులు కూడా పొందారు. 1990లో తీసిన తెలుగు సినిమా కర్తవ్యం కిరణ్ బేడి జీవితం ఆధారంగా తీయబడింది ఇవి కూడా చూడండి: పాయింట్లవారీగా ప్రముఖ మహిళలకు సంబంధించిన యూట్యూబ్ వీడియో ప్లేలిస్ట్, భారతదేశపు మొట్టమొదటి వ్యక్తులు, హోం విభాగాలు: పంజాబ్ ప్రముఖులు, భారతదేశ ప్రముఖ మహిళలు, పుదుచ్చేరి,  = = = = =