పొట్లపల్లి రామారావు (Potlapalli Ramarao)

జననం నవంబరు 20, 1917 స్వస్థలం తాటికాయల రంగం కథా రచయిత మరణం సెప్టెంబర్‌ 10, 2001 తెలంగాణ తొలితరం కథారచయితలలో ప్రముఖుడైన పొట్లపల్లి రామారావు నవంబరు 20, 1917న వరంగల్లు పట్టణ జిల్లా ధర్మసాగర్ మండలం తాటికాయలలో భూస్వామ్య కుటుంబంలో జన్మించారు. ఈయన చిన్న వయస్సులో ఉన్నప్పుడే తండ్రి మరణించడంతో చదువు కూడా ఆగిపోయింది. గ్రామంలోనే ఉంటూ ప్రకృతిని, వ్యక్తులను పరిశీలిస్తూ ప్రత్యేక లక్షణాలను పుణికిపుచ్చుకున్నారు. కొంతకాలం తర్వాత వరంగల్ వెళ్ళి గ్రంథాలయంలోని పుస్తకాలన్నీ చదివేశారు. ఆ విధంగా రచనలవైపు మార్గం ఏర్పాటుచేసుకున్నారు. ఈయన రచనల్లో తెలంగాణ సాయుధ పోరాటకాలం నాటి గ్రామీణ జీవనం కనిపిస్తుంది. నిజాం నిరంకుశ పాలననుండి విముక్తం కావడం కోసం పోరాటానికి ఈయన కథలు ప్రేరణ ఇచ్చాయి. పొట్లపల్లి రామారావు కవిత్వాన్ని మొట్టమొదట దేశోద్ధారక గ్రంథమాల పక్షాన "ఆత్మవేదన" పేరుతో వట్టికోట ఆళ్వారు స్వామి ప్రచురించారు. పొట్లపల్లి రామారావు సెప్టెంబర్‌ 10, 2001న హైదరాబాద్‌లో మరణించారు. "పొట్లపల్లి రామారావు వ్యక్తిత్వం-సాహిత్యం"పై భూపాల్ రెడ్డి పరిశొధన చేసి డాక్టరేట్ పొందారు ఈయన రచనల్లో ముఖ్యమైనవి జైలుకథలు, ఆత్మవేదన, చుక్కలు, మెఱుపులు, అక్షరదీప్తి, నాలోనేను. పిల్లలకోసం "ముల్ల" కథలు రాశారు. ఇవి కూడా చూడండి: ధర్మసాగర్ మండలం, జైలుకథలు (కథాసంపుటి) హోం విభాగాలు: వరంగల్ పట్టణ జిల్లా ప్రముఖులు, తెలంగాణ రచయితలు,  = = = = =