సోలిపేట రామలింగారెడ్డి (Solipeta Ramalinga Reddy)

జననం అక్టోబరు 2, 1961 రంగం రాజకీయాలు పదవులు 4 సార్లు ఎమ్మెల్యే మరణం ఆగస్టు 6, 2020 రాజకీయ నాయకుడు, తెలంగాణ ఉద్యమ నేత, జర్నలిస్టుగా పేరుపొందిన సోలిపేట రామలింగారెడ్డి అక్టోబరు 2, 1961న సిద్ధిపేట జిల్లా దుబ్బాక మండలం చిట్టాపూర్ లో జన్మించారు. తెలంగాణ ఉద్యమంలో చురుకుగా పాల్గొన్న రామలింగారెడ్డి ప్రారంభంలో జర్నలిస్టుగా పనిచేసి తెలంగాణ రాష్ట్ర సమితి పార్టీ ద్వారా 2004లో రాజకీయాలలో ప్రవేశించారు. పీపుల్స్‌వార్ తో సంబంధాలున్నాయనే నెపంతో దేశంలోనే మొదటి టాడా కేసు ఈయనపై నమోదైంది. తర్వాత నిర్దోషిగా విడుదలైనారు. 2008 ఉప ఎన్నికతో పాటు 2014, 2018లలో కూడా ఎమ్మెల్యేగా విజయం సాధించారు. ఆగస్టు 6, 2020న మరణించారు. రాజకీయ ప్రస్థానం: 2004లో తొలిసారిగా దొమ్మాట నియోజకవర్గం నుంచి తెరాస తరఫున పోటీచేసి శాసనసభకు ఎన్నికైనారు. 2008 ఉప ఎన్నికలో కూడా విజయం సాధించారు. నియోజకవర్గాల పునర్విభజనలో దొమ్మాట రద్దయి దుబ్బాక నియోజకవర్గం ఏర్పడటంతో 2009లో దుబ్బాక నుంచి పోటిచేసి చెరుకు ముత్యంరెడ్డి చేతిలో ఓడిపోయారు. 2014లో చెరుకు ముత్యంరెడ్డిపై విజయం సాధించారు. తెలంగాణ రాష్ట్ర తొలి అంచనాల కమిటి చైర్మెన్‌గా పనిచేశారు. 2018లో కూడా దుబ్బాక నుంచి పోటిచేసి గెలుపొందారు. శాసనసభ్యుడిగా ఉంటూ 2020 ఆగస్టులో మరణించారు. ఇవి కూడా చూడండి: దుబ్బాక మండలం, దుబ్బాక అసెంబ్లీ నియోజకవర్గం, హోం విభాగాలు: సిద్ధిపేట జిల్లా ప్రముఖులు, దుబ్బాక మండలం,  = = = = =