ఆదిలాబాదు జిల్లా (Adilabad Dist)

ఆదిలాబాదు జిల్లా మండలాలు 18 జనాభా (2011) 7,08,972 వైశాల్యం 4153 Sq km రెవెన్యూ డివిజన్లు 2 ఆదిలాబాదు జిల్లా తెలంగాణలో అతిఉత్తరాన ఉన్న జిల్లా. జిల్లాలో 18 మండలాలు, 2 రెవెన్యూ డివిజన్లు ఉన్నాయి. రాష్ట్రంలోనే ఎత్తయిన జలపాతం కుంటాల జలపాతం ఈ జిల్లాలోనిది. కేంద్రమంత్రిగా పనిచేసిన సముద్రాల వేణుగోపాలచారి, సాహితీవేత్త సామల సదాశివ, ఈ జిల్లాకు చెందిన ప్రముఖులు. భౌగోళిక స్వరూపం: ఆదిలాబాదు జిల్లాకు తూర్పున కొమురంభీ జిల్లా, దక్షిణాన నిర్మల్ జిల్లా, పశ్చిమాన మరియు ఉత్తరాన మహారాష్ట్ర సరిహద్దుగా ఉన్నాయి. కడెంనది జిల్లా మధ్య నుంచి ప్రవహిస్తుంది. రాష్ట్రంలో ఎత్తయిన కుంతల జలపాతం, పొచ్చెర జలపాతం, సహ్యాద్రి కొండలు లాంటి పర్యాటక ప్రదేశాలు ఉన్నాయి.  చరిత్ర: ఇది ఎంతో ఘనచరిత్రను కలిగియున్న ప్రాంతం. రామాయణకాలం నాటి చారిత్రక ఆధారాలు జిల్లాలోని పలు ప్రాంతాలాలలో లభ్యమైనాయి. మౌర్యులు, శాతవాహనులు కూడా ఈ ప్రాంతాన్ని పాలించారు. ఈ ప్రాంతంలో ఒకప్పుడు ఎద్దుల సంత జరిగేదని ఆ కారణంగా ఇది ఎదులాపురం అని పిలువబడేదని మొగలాయి పాలనా కాలంలో ఈ ప్రాంతాన్ని పాలించిన బీజపూరు సుల్తాను మహమ్మద్ అదిల్ షా పేరు మీద ఆదిలాబాదుగా మార్చబడింది. 2016 అక్టోబరు 11కు ముందు ఈ జిల్లా 52 మండలాలలో ఉండగా జిల్లాల పునర్విభజన ఫలితంగా జిల్లా 4 ముక్కలైంది. నిర్మల్, కొమురంభీం, మంచిర్యాలలు ప్రత్యేక జిల్లాలుగా అవతరించాయి. రవాణా వ్యవస్థ: ఆదిలాబాదు జిల్లాలో నాందేడ్ - ఆదిలాబాదు మార్గం పశ్చిమాన జిల్లాలో ప్రవేశించి ఆదిలాబాదు వరకు ఉంది. జిల్లా దక్షిణ మధ్య రైల్వే పరిధిలోకి వస్తుంది. దేశంలోనే పొడవైన 44వ నెంబరు జాతీయ రహదారి ఆదిలాబాదు జిల్లా మీదుగా వెళుతుంది.  పర్యాటక ప్రాంతాలు: కుంతల జలపాతం ముందు బ్లాగురచయిత రాష్ట్రంలోనే ఎత్తయిన జలపాతం కుంటాల జలపాతం, పొచ్చెర జలపాతం లాంటివి జిల్లాలో ఉన్నాయి. జనాభా: 2001 లెక్కల ప్రకారం ఆదిలాబాదు జిల్లా జనాభా 24,79,347. ఇది రాష్ట్ర జనాభాలో 3.13%. జిల్లా జనాభాలో గ్రామీణ జనాభా 18,23,004 (73.52%), పట్టణ జనాభా 6,56,343 (26.48%). జనసాంద్రత 129. 2011 లెక్కల ప్రకారం జిల్లా జనాభా 2737738. ఇందులో పురుషులు 1366964, మహిళలు 1370774. (జనాభా సమాచారం జిల్లాల పునర్విభజనకు పూర్వ సమాచారం) ఖనిజాలు: జిల్లాలో బొగ్గు, ఇనుము, మాంగనీసు, సున్నపురాయి నిక్షేపాలు అధికంగా ఉన్నాయి పరిశ్రమలు: ఆదిలాబాదు సమీపంలో సిమెంటు పరిశ్రమలు ఉన్నాయి. ఇవి కూడా చూడండి: ఆదిలాబాదు జిల్లా మండలాలు, ఆదిలాబాదు జిల్లా ప్రముఖులు, ఆదిలాబాదు జిల్లా పర్యాటక ప్రదేశాలు, హోం, విభాగాలు: తెలంగాణ జిల్లాలు, ఆదిలాబాదు జిల్లా,  = = = = =