పద్మా దేవేందర్ రెడ్డి (Padma Devender Reddy)

జననం జూన్ 6, 1969 స్వస్థలం రాంపూర్ పదవులు జడ్పీ చైర్మెన్, 3 సార్లు ఎమ్మెల్యే, శాసనసభ డిప్యూటి స్పీకర్ నియోజకవర్గం మెదక్ అ/ని, పద్మా దేవేందర్ రెడ్డి జూన్ 6, 1969న కరీంనగర్ జిల్లా రాంపూర్‌లో జన్మించారు. బీఏ. ఎల్.ఎల్.బి.వరకు అభ్యసించి అడ్వకేట్‌గా ప్రాక్టీసు చేశారు. తెలంగాణ ఉద్యమాలలో చురుకుగా పాల్గొన్న పద్మా దేవేందర్ 2001లోనే తెలంగాణ రాష్ట్ర సమితి పార్టీలో చేరారు. కరీంనగర్ జడ్పీ చైర్మెన్‌గా, 3 సార్లు ఎమెల్యేగా ఎన్నికయ్యారు. రాజకీయ ప్రస్థానం: 2001లో తెరాసలో చేరిన పద్మా దేవేందర్ రెడ్డి అదే ఏడాది రామాయంపేట జడ్పీటీసిగా ఎన్నికై కరీంనగర్ జిల్లా పరిషత్తు చైర్మెన్ పదవి పొందారు. 2004లో రామాయంపేట నుంచి శాసనస్బహకు తొలిసారి ఎన్నికయ్యారు. 2009లో పొత్తులో భాగంగా పార్టీ టికెట్ లభించనందున రెబెల్‌గా పోటీచేసి పార్టీ నుంచి బహుష్కృతులైనారు. 2010లో మళ్ళీ తెరాసలో చేరి 2014లో మెదక్ అసెంబ్లీ నియోజకవర్గం నుంచి పోటీచేసి విజయశాంతిపై విజయం సాధించి రెండోసారి శాసనసభలోకి ప్రవేశించారు. జూన్ 12, 2014న తెలంగాణ శాసనసభ డీప్యూటి స్పీకరుగా ఏకగ్రీవంగా ఎన్నికయ్యారు. 2018 ఎన్నికలలో కూడా మెదక్ నుంచి శాసనసభకు ఎన్నికయ్యారు. ఇవి కూడా చూడండి: మెదక్ అసెంబ్లీ నియోజకవర్గం, తెలంగాణ రాష్ట్ర సమితి పార్టీ, విభాగాలు: కరీంనగర్ జిల్లా రాజకీయ నాయకులు, రామాయంపేట అసెంబ్లీ నియోజకవర్గం, మెదక్ అసెంబ్లీ నియోజకవర్గం, 12వ శాసనసభ సభ్యులు, తెలంగాణ తొలి శాసనసభ సభ్యులు, 1969లో జన్మించినవారు,  = = = = =