సిరికొండ మధుసూధనచారి (S.Madhusudhana Chary)

ఎస్.మధుసూధనచారి జననం 13 అక్టోబర్ , 1962 స్వస్థలం నర్సక్కపల్లి (వరంగల్ జిల్లా) పదవులు 2 సార్లు ఎమ్మెల్యే, శాసనసభ స్పీకరు, సిరికొండ మధుసూధనచారి వరంగల్ జిల్లాకు చెందిన రాజకీయ నాయకుడు. 13 అక్టోబర్ 1962న పరకాల వద్ద ఉన్న నర్సక్కపల్లి గ్రామంలో జన్మించిన మధుసూధనచారి కాకతీయ విశ్వవిద్యాలయం నుంచి ఎంఏ (ఆంగ్లం) పట్టా పొందారు. 1982లో తెలుగుదేశం పార్టీ ద్వారా రాజకీయ ప్రవేశం చేసి 1994లో తొలిసారి ఎమ్మెల్యే అయ్యారు. 2014లో తెరాస తరఫున విజయం సాధించి తెలంగాణ రాష్ట్ర శాసనసభ తొలి స్పీకరుగా ఏకగ్రీవంగా ఎన్నికయ్యారు. రాజకీయ ప్రస్థానం: మధుసూధనచారి 1982లో తెలుగుదేశం పార్టీ ఆవిర్భావంతోనే ఆ పార్టీలో చేరి 1994లో శాయంపేట అసెంబ్లీ నియోజకవర్గం నుంచి తొలిసారిగా శాసనసభకు ఎన్నికయ్యారు. 1996లో తెలుగుదేశం ఫార్టీ సంక్షోభం సమయంలో లక్ష్మీపార్వతి యొక్క ఎన్టీఆర్ తెలుగుదేశం పార్టీ వైపు చేరారు. తెరాస స్థాపన నుంచే ఆ పార్టీలో ఉంటూ 2001లో తెరాస ప్రధాన కార్యదర్శి అయ్యారు. 2014 శాసనసభ ఎన్నికలలో భూపాలపల్లి అసెంబ్లీ నియోజకవర్గం నుంచి పోటీచేసి మాజీ ఛీప్ గండ్ర వెంకట రమణారెడ్డిపై విజయం సాధించారు. జూన్ 9, 2014న తెలంగాణ రాష్ట్ర శాసనసభ తొలి స్పీకరుగా ఏకగ్రీవంగా ఎన్నికయ్యారు. విభాగాలు: వరంగల్ జిల్లా రాజకీయ నాయకులు, పరకాల మండలము, శాయంపేట అసెంబ్లీ నియోజకవర్గం, భూపాలపల్లి అసెంబ్లీ నియోజకవర్గం, 10వ శాసనసభ సభ్యులు, తెలంగాణ తొలి శాసనసభ సభ్యులు, 1962లో జన్మించినవారు,  = = = = =