యమునానది (Yamuna River)

యమునానది జన్మస్థానం యుమునోత్రి పొడవు 1370 KMs ప్రధాననది గంగానది ఉపనదులు చంబల్, బెట్వా, కెన్ ఉత్తర భారతదేశములో ప్రవహించే యమునా నది గంగానది యొక్క అతిపెద్ద ఉపనది. 1370 కిలోమీటర్ల పొడవున్న ఈ నది హిమాలయ పర్వతశ్రేణులకు చెందిన కాళింది పర్వతంలో యుమునోత్రి అనే స్థలం వద్ద 6387 మీటర్ల ఎత్తున జన్మించి ఉత్తరాఖండ్, హర్యానా, ఉత్తరప్రదేశ్, హిమాచల్ ప్రదేశ్ రాష్ట్రాలే కాకుండా దేశ రాజధాని ఢిల్లీ సమీపం నుంచి ప్రవహిస్తూ త్రివేణి సంగమ ప్రాంతమైన అలహాబాదులో గంగానదిలో సంగమిస్తుంది. చంబల్, బెట్వా, కెన్ తదితర ఉపనదులను తనలో కలుపుకుంటున్న ఈ నది పరీవాహక ప్రాంతం 3,66,223 చదరపు కిలోమీటర్లు. ఇది గంగానది పరీవాహ ప్రాంతంలో 40%.ప్రముఖ పర్యాటక స్థలం తాజ్‌మహల్ ఈ నది ఒడ్డునేఉంది. 2014 జూన్‌లో ఈ నదికి పుషరాలు జరుగుతున్నాయి. పురాణాల్లో ప్రస్థావన: భాగవత పురాణంలో శ్రీకృష్ణుని బాల్యంలో చాలా చోట్ల దీని ప్రస్తావన ఉంది. కృష్ణుని తండ్రియైన వాసుదేవుడు కంసుని బారినుంచి తన కుమారుడిని కాపాడుకోవడానికి ఈ నదిని దాటవలసి వస్తే అది రెండు పాయలుగా చీలి దారి ఇచ్చిందని ఉటంకించబడి ఉంది. భరతుడు, అంబరీషుడు, శంతనుడు మొదలైన చక్రవర్తులు ఈ నది ఒడ్డున ఎన్నో పుణ్యకార్యాలు నిర్వర్తించారు. అగస్త్య మహర్షి కూడా దీని ఒడ్డున పూజాదికాలు నిర్వహించేవాడని హిందూ పురాణాలు తెలియజేస్తున్నాయి. విభాగాలు: భారతదేశ నదులు, గంగానది, ఉత్తరాఖండ్ నదులు, ఉత్తరప్రదేశ్ నదులు, ఢిల్లీ,  = = = = =