హిమాచల్ ప్రదేశ్ (Himachal Pradesh)

రాజధాని సిమ్లా వైశాల్యం 55,673 చకిమీ జనాభా 68 లక్షలు (2011) అవతరణ 1971 హిమాచల్ ప్రదేశ్ ఉత్తర భారతదేశానికి చెందిన రాష్ట్రము. హిమాలయాలపై ఉన్న ఈ రాష్ట్రం పేరు కూడా దానిపైనే వచ్చింది. స్వాతంత్ర్యానికి ముందు బ్రిటీష్ ఇండియా కాలంలో పంజాబ్ ప్రావిన్సులో భాగంగా ఉండి 1956 నుంచి కేంద్రపాలిత ప్రాంతంగా కొనసాగి 1971లో రాష్ట్ర హోదా పొందింది. జమ్మూకశ్మీర్ రాష్ట్ర హోదా నుంచి (లఢక్‌తో పాటు) కేంద్రపాలిత ప్రాంతంగా మారిన పిదప  ఈ రాష్ట్రం దేశంలో అతి ఉత్తరాన ఉన్న రాష్ట్రంగా మారింది. హిమాచల్ ప్రదేశ్ రాష్ట్ర రాజధాని సిమ్లా, అధికార భాష హిందీ, వైశాల్యం 55,673 చకిమీ, జనాభా (2011 ప్రకారం) 68 లక్షలు. షిమ్లా, మనాలి, ధర్మశాల, డల్హౌసీ, చంబా, ఖజ్జియార్, కులూలు రాష్ట్రంలోని ప్రముఖ పర్యాటకం ప్రాంతాలు. భౌగోళికం: ఈ రాష్ట్రానికి ఉత్తరాన జమ్మూకశ్మీర్ మరియు లఢక్ కేంద్రపాలిత ప్రాంతాలు, దక్షిణాన ఉత్తరాఖండ్ మరియు ఉత్తరప్రదేశ్ రాష్ట్రాలు, పశ్చిమాన పంజాబ్, నైరుతిన హర్యానా, తూర్పున కొంతవరకు టిబెట్టు (చైనా) సరిహద్దులుగా ఉన్నాయి. జమ్మూకశ్మీర్ రాష్ట్రం విభజితమై లఢక్‌తో సహా కేంద్రపాలిత ప్రాంతంగా మారిన తర్వాత ఈ రాష్ట్రం దేశంలోనే అతి ఉత్తరాన ఉన్న రాష్ట్రంగా మారింది. సింధూనది ఉపనది అయిన బియాస్ నది ఈ రాష్ట్రంలోని బియాస్‌కుండ్ వద్ద జన్మిస్తుంది. చరిత్ర: జనపదాల కాలంలో చిన్నచిన్న రాజ్యాలు ఉన్న ఈ ప్రాంతం ఆ తర్వాత గుప్తుల కాలంలో విశాల సామ్రాజ్యంలో భాగమైనాయి. క్రీ.శ.11వ శతాబ్దిలో ఘజనీ మహ్మద్ దండయాత్రలకు గురైంది. 18వ శతాబ్దిలో గోర్ఖా రాజ్యంలో భాగంగా నేపాల్‌లో చేరింది. ఆ తర్వాత రంజిత్ సింగ్ నేతృత్వంలోని సిక్కురాజ్యంలో భాగమైంది. బ్రిటీష్ ఇండియా కాలంలో పంజాబ్ ప్రావిన్సులో కొనసాగి స్వాతంత్ర్యానంతరం ప్రత్యేక ప్రావిన్సుగా, 1956లో కేంద్రపాలిత ప్రాంతంగా, 1971లో ప్రత్యేక రాష్ట్రంగా మారింది. రాజకీయాలు: హిమాచల్ ప్రదేశ్‌లో 4 లోక్‌సభ స్థానాలు, 3 రాజ్యసభ స్థానాలు, 68 శాసనసభ స్థానాలు కలవు. 1977 వరకు రాష్ట్రాన్ని కాంగ్రెస్ పార్టీ రాష్ట్రాన్ని పాలించింది. 1977లో తొలిసారిగా అధికారంలోకి వచ్చిన జనతాపార్టీ ఐదేళ్ళు పాలించగా 1982లో మళ్ళీ కాంగ్రెస్ పార్టీ అధికారం చేపట్టింది. 1990లో భారతీయ జనతాపార్టీ తొలిసారి అధికారంలోకి రాగా ఆ తర్వాత భాజపా మరియు కాంగ్రెస్ పార్టీల మధ్య చేతులు మారుతూ వస్తోంది. 2017 నుంచి భాజపా 4వ సారి అధికారంలో ఉంది. ఇవి కూడా చూడండి: హిమాచల్ ప్రదేశ్ రాష్ట్ర ప్రముఖులు, హిమాచల్ ప్రదేశ్ ముఖ్యమంత్రులు, హిమాచల్ ప్రదేశ్ గవర్నర్లు, హిమాచల్ ప్రదేశ్ జిల్లాలు, హిమాచల్ ప్రదేశ్ నగరాలు, పట్టణాలు, హోం విభాగాలు: భారతదేశ రాష్ట్రాలు, హిమాచల్ ప్రదేశ్,  = = = = =